Energetika ministrligine energetika institutynyň ýanaşyk çäklerinde birnäçe binalary we desgalary gurmak barada şertnama baglaşmaga ygtyýar berildi

Berkarar döwletiň täze eýýamynyň Galkynyşy döwründe ýurdumyzyň energetika we senagat pudaklary üçin ýokary hünärli işgärleri taýýarlamak maksady bilen, Türkmenistanyň Prezidenti Karara gol çekdi. Resminama laýyklykda, Energetika ministrligine Türkmenistanyň Döwlet energetika institutynyň ýanaşyk çäklerinde 2 müň orunlyk täze goşmaça okuw binasynyň, 800 orunlyk umumy ýaşaýyş jaýynyň, ýapyk görnüşli sport desgasynyň hem-de aýlawly ýolda monumentiň taslamasyny düzmek we olary döwrebap enjamlar bilen üpjün edip, ýanaşyk ýerleri abadanlaşdyryp gurmak barada «Röwşen» hususy kärhanasy bilen şertnamany görkezilen binalar we desgalar üçin elektrik, aragatnaşyk, gaz, suw üpjünçiliginiň we lagymyň meýdançadan daşarky eltiji inžener ulgamlarynyň hem-de desgalarynyň durkuny täzelemek ýa-da täzelerini gurmak, olary umumyşäher ulgamyna birikdirmek işlerini ýerine ýetirmek şertinde baglaşmaga ygtyýar berildi.

25.08.2023

6686

Türkmenistan syýahatçylygy we sergi işini ösdürmekde halkara hyzmatdaşlygy işjeňleşdirýär

«Bitarap Türkmenistanyň daşary syýasy ugrunyň 2022 — 2028-nji ýyllar üçin Konsepsiýasyny» hem-de «Türkmenistanyň daşary ykdysady işini ösdürmegiň 2020 — 2025-nji ýyllar üçin Maksatnamasyny» netijeli durmuşa geçirmek, şeýle hem Türkmenistanyň halkara syýahatçylyk ugruny, halkara sergi işini ösdürmekde abraýly halkara guramalar we dünýäniň bu ugurlarda ösen döwletleri bilen halkara hyzmatdaşlygy giňden ýola goýmak maksady bilen, Türkmenistanyň Prezidenti Karara gol çekdi. Resminama laýyklykda, «Syýahatçylyk pudagynda Türkmenistanyň halkara hyzmatdaşlygyny ösdürmegiň 2024-2025-nji ýyllar üçin Maksatnamasy» hem-de «Türkmenistanyň halkara sergi işiniň 2024-2025-nji ýyllar üçin Konsepsiýasy» tassyklanyldy.

25.08.2023

9050

«Ýaňlan, Diýarym!» telebäsleşiginiň jemleýji tapgyry geçirildi

Şu gün paýtagtymyzyň «Aşgabat» aýdym-saz merkezinde ýaş aýdymçylaryň arasynda «Ýaňlan, Diýarym!» telebäsleşiginiň jemleýji tapgyry geçirildi.

25.08.2023

6978

Türkmenistanyň we Palestina Döwletiniň arasyndaky hyzmatdaşlygyň ileri tutulýan ugurlary maslahatlaşyldy

2023-nji ýylyň 25-nji awgustynda Türkmenistan Mejlisiniň Başlygy D.Gulmanowa, düýn biziň ýurdumyza sapar bilen gelen Palestina Döwletiniň Daşary işler we daşary ýurtlarda ýaşaýan Palestinalylaryň işleri boýunça ministri Riýad al-Maliki bilen duşuşdy.

25.08.2023

8901

Türkmen kinematografiýaçylary Magtymguly Pyragy barada filmleri surata düşürip başladylar

Türkmen we dünýä edebiýatynyň XVIII asyr nusgawy şahyry Magtymguly Pyragynyň doglan gününiň 300 ýyllygyny dabaraly baýram etmek işleriniň çäklerinde Oguz han adyndaky «Türkmenfilm» birleşigi akyldar şahyryň döredijilik mirasy we onuň beýleki medeniýetlere täsiri barada dokumental filmleri surata düşürmek taslamalary durmuşa geçirip başlady.

25.08.2023

7156

Arkadag şäheriniň gümrükhanasynda harby gullukçylar bilen ýörite okuw geçirilýär

2023-nji ýylyň 21 – 31-nji awgusty aralygynda gümrük edalarynda jogapkär ýolbaşçy wezipeler üçin ätiýaçda duran harby gullukçylar bilen sanly ulgamyň serişdeleriniň ähli mümkinçilikleriniň doly döredilen ýeri bolan Arkadag şäheriniň gümrükhanasynda Türkmenistanyň Döwlet gümrük gullugy tarapyndan ýörite okuw çäresi geçirilýär.

25.08.2023

5992

Astrahanda geçen kompozitorlar forumynda Nury Halmämmedowyň romanslar ýygyndysy tanyşdyryldy

«Hazar möwsümleri» Halkara nusgawy sungat festiwalynyň çäginde geçirilen Hazarýaka ýurtlarynyň kompozitorlarynyň Ilkinji halkara forumynda tanymal türkmen kompozitory Nury Halmämmedowyň «Soprano we fortepiano üçin saýlanan wokal eserleriniň» nota ýygyndysynyň tanyşdyrylyşy boldy.

25.08.2023

10400

AFK-2023/24-iň çempionlar ligasynda «Ahalyň» garşydaşlary kesgitlendi

Aziýa futbol konfederasiýasynyň klublar arasyndaky esasy futbol ýaryşynyň 42-nji we «AFK Çempionlar ligasy» atlandyrylýan 21-nji oýun üçin Kuala-Lumpurda (Malaýziýa) geçirilen bije atyşlygynyň netijesinde, Özbegistanyň «Pakhtakor», Saud Arabystanynyň «Al-Fayha» we BAE-niň «Al-Ain» toparlary Türkmenistanyň «Ahal» toparyna bäsdeş bolup çykdy.

25.08.2023

6456

Aşgabatda Durnukly Ösüş Maksatlaryny durmuşa geçirmek boýunça Milli iş toparynyň mejlisi geçirildi

2023-nji ýylyň 25-nji awgustynda Türkmenistanyň Daşary işler ministrliginiň binasynda Türkmenistanda Durnukly Ösüş Maksatlaryny durmuşa geçirmek boýunça Milli iş toparynyň tegelek stolunyň bilelikdäki mejlisi geçirildi. Bu barada ýurdumyzyň daşary syýasat edarasy habar berýär.

24.08.2023

10557

Türkmenistanyň Prezidentiniň «Türkmeniň Altyn asyry» baýragyny almak ugrundaky bäsleşigiň çäklerinde geçirilýän höwesjeň aýdymçy ýaşlaryň «Ýaňlan, Diýarym!» telebäsleşiginiň jemleýji tapgyryna gatnaşyjylara

Sizi Arkadag Serdarly bagtyýar ýaşlar ýylynda eziz Diýarymyzda şatlyk-şagalaňly geçirilýän «Ýaňlan, Diýarym!» telebäsleşiginiň jemleýji tapgyryna gatnaşmagyňyz mynasybetli tüýs ýürekden gutlaýaryn. Berkarar döwletiň täze eýýamynyň Galkynyşy döwründe ýurdumyzda alnyp barylýan beýik özgertmeleri, mähriban halkymyzyň bagtyýarlygyny wasp edýän täze aýdym-sazlary joşgunly ýerine ýetirmekde size döredijilik rowaçlyklaryny arzuw edýärin.