Bütindünýä welosiped güni mynasybetli Türkmenistanyň daşary ýurtlardaky Ilçihanalarynda, halkara guramalaryň ýanyndaky hemişelik wekilhanalarynda we konsullyklarynda köpçülikleýin welosiped ýörişleri geçirýärler. BMG-niň Baş Assambleýasy tarapyndan 2018-nji ýylyň 12-nji aprelinde Türkmenistanyň başlangyjy bilen yglan edilen Bütindünýä welosiped güni biziň ýurdumyzda we dünýäniň köp ýurtlarynda giňden bellenilýär.
Ženewada Halkara zähmet guramasynyň (HZG) Halkara zähmet maslahatynyň 114-nji sessiýasynyň çäklerinde Türkmenistanyň Zähmet we ilaty durmuş taýdan goramak ministri M.Sylapowyň Halkara zähmet guramasynyň Baş direktory Gilbert Hungbo bilen duşuşygy geçirildi.
2026-njy ýylyň 3-nji iýunynda Türkmenistanyň Daşary işler ministri Raşid Meredow bilen Malaýziýanyň Daşary işler ministri Dato Seri Utama Haji Mohamad bin Haji Hasanyň arasynda telefon arkaly söhbetdeşlik geçirildi.
Daşky gurşawy goramagyň bütindünýä gününiň öňüsyrasynda Türkmenistanyň Ylymlar akademiýasynyň Halkara ylmy-tehnologiýa parkynda «Ekologiýa abadançylygyny üpjün etmekde innowasion tehnologiýalaryň orny» atly ylmy-amaly maslahat geçirildi.
Türkmenistanyň paýtagtynda halylaryň we haly önümleriniň giň gerimli sergisi, şeýle hem Türkmen halyşynaslarynyň bütindünýä jemgyýetiniň XXVI mejlisi geçirildi. Däp bolşy ýaly, bu şanly çäreler ýurdumyzda her ýylyň maý aýynyň soňky ýekşenbesinde bellenilýän Türkmen halysynyň baýramy mynasybetli guralýar.
