Tomusky dynç alyş möwsüminiň başlanmagy bilen ildeşlerimiz Hazar deňziniň gündogar kenarynda ýerleşýän «Awaza» milli syýahatçylyk zolagyna dynç almaga gidýärler. Deňiz suwunyň temperaturasynyň +15…+17 gradus derejede saklanýandygyna garamazdan, kenarýaka möwsümi resmi taýdan başlandy diýlip hasap edilýär. Muňa yssy howa şertleri ýardam berýär.

Hepdäniň dowamynda Türkmenistanda howanyň temperaturasy +40 gradusa çenli ýokarlanar. Käbir sebitlerde üýtgäp durýan bulutly howa bolup, gysga wagtlaýyn ýagyş ýagar we şemal güýçlener diýlip çak edilýär.

Aşgabatda üýtgäp durýan bulutly howa bolup, howanyň temperaturasy gündizlerine +31…+33 gradusdan +35…+37 gradusa çenli maýyl, gijelerine +21…+23 gradusdan +24…+26 gradusa çenli maýyl bolar.

Ahal welaýatynda az bulutly howa bolup, howanyň temperaturasy gündizlerine +30…+35 gradusdan +35…+40 gradusa çenli maýyl, gijelerine +19…+24 gradusdan +22…+27 gradusa çenli maýyl bolar.

Balkan welaýatynda şemally howanyň bolmagyna garaşylýar. Howanyň temperaturasy gündizlerine +32…+37 gradus maýyl, gijelerine +17…+22 gradusdan +21…+26 gradusa çenli maýyl bolar. Deňizýaka etraplarda howanyň temperaturasy +28…+33 gradus maýyl bolar.

Mary welaýatynda açyk howa bolup, howanyň temperaturasy gündizlerine +31…+36 gradusdan +36…+41 gradusa çenli maýyl, gijelerine +19…+24 gradusdan +23…+28 gradusa çenli maýyl bolar.

Lebap welaýatynda açyk howanyň bolmagyna garaşylýar. Howanyň temperaturasy gündizlerine +30…+35 gradusdan +36…+41 gradusa çenli yssy, gijelerine +18…+23 gradusdan +22…+27 gradusa çenli maýyl bolar.

Daşoguz welaýatynda az bulutly howa bolup, howanyň temperaturasy gündizlerine +28…+33 gradusdan +32…+37 gradusa çenli maýyl, gijelerine +17…+22 gradusdan +20…+25 gradusa çenli maýyl bolar.