Ï Ýazyjy-şahyrlaryň ömür-döredijiligine bagyşlanan döredijilik duşuşygy
mail-icon
altynasyr.newspaper@sanly.tm
EN RU TK

Ýazyjy-şahyrlaryň ömür-döredijiligine bagyşlanan döredijilik duşuşygy

view-icon 65
Ýazyjy-şahyrlaryň ömür-döredijiligine bagyşlanan döredijilik duşuşygy

Türkmenistanyň Medeniýet ministrliginiň, Türkmen döwlet neşirýat gullugynyň, Türkmenistanyň Telewideniýe, radiogepleşikler we kinematografiýa baradaky döwlet komitetiniň guramagynda Türkmenbaşynyň erkin döredijilik mekanynda döredijilik duşuşygy geçirildi.

Bu döredijilik duşuşygy ýazyjy-şahyrlar Nazar Gullaýewiň, Näzik Annatyýewanyň, Meret Haladowyň, Begi Suhanowyň ömür-döredijiligine bagyşlandy. Döredijilik duşuşygyna ýurdumyzyň halypa we ýaş ýazyjy-şahyrlary, ýokary okuw mekdepleriniň talyplary gatnaşdylar.

Döredijilik duşuşygynda edilen çykyşlarda ussat ýazyjy-şahyrlaryň döreden eserleriniň ýaş nesilleri watançylyk, agzybirlik, halallyk, ynsanperwerlik ruhunda terbiýelemekde möhüm ähmiýetlidigi aýratyn bellenildi.

Şeýle hem çykyş edenler Milli Liderimiz Gahryman Arkadagymyzyň hem-de Arkadagly Gahryman Serdarymyzyň çuňňur pähim-paýhasly kitaplarynda halypalara hormat goýmak, halkymyzyň «halypa-şägirt» ýörelgesini dowam etmek babatda gymmatly pikirleriň öňe sürülýändigini, türkmen edebiýatyny ösdürmek, döwrebap eserler bilen baýlaşdyrmak üçin ähli şertleriň döredilýändigini nygtadylar.