Eýranyň Maşat şäherinde dokuz ýurduň wekilleriniň gatnaşmagynda geçirilen Aziýanyň ýaşlar çempionatynda (20 ýaşa çenli) türkmen pälwanlary “alyş” göreş boýunça iki altyn we bir bürünç medaly gazandylar.

Baýraklar ugrunda göreş agram derejeleriniň dördüsi boýunça geçirildi. Şolaryň üçüsinde Ildeşlerimiziň iň güýçlüleriň hataryna goşulandyklary bellärlikdir.

Ýokary derejeli medallary Marydan Babamyrat Rejebow (70 kilograma çenli) we Saýat etrabyndan Seýdi Batyr ogly (80 kilograma çenli) eýeledi. Türkmenistanyň Milli sport we syýahatçylyk institutynyň talyby Öwez Hemraýew (90 kilograma çenli) bürünç medala mynasyp boldy.

Toparlaýyn hasapda Türkmenistanyň ýygyndysy ikinji orny eýeledi, diňe ýer eýeleri öňe geçmegi başardy.

Türkmen pälwanlarynyň ýakyn geljekdäki meýilnamalarynda uly ýaşlylaryň arasynda “alyş” göreşi boýunça şu ýylyň dekabr aýynda Eýranda geçriljek. Aziýanyň çempionatyna gatnaşmak göz öňünde tutulýar.