Türkmenistanyň ýokary sport ussatlygy mekdebinde terbiýelenip Ömürbek Bazarbaýew Parižde geçirilýän dünýä çempionatynda 62 kilograma çenli agramda iň güýçli türgenleriň bäşligine girdi, bu çempionat 2012-nji ýylda Londonda geçiriljek Olimpiýa oýunlaryna gatnaşmak üçin seçip alyş tapgyrydyr.
Medallar ugrunda 27 ýurtdan agyr atletikaçylaryň 36-sy bäsleşdiler. Bat alyp, birden götermekde Ömürbek 135 kilogram, ikinji görnüşde—itekläp götermekde 168 kilogram netije görkezdi. Jemleýji netijede biziň türgenimiz 303 kilogramy göterip, 31 türgenden öňe geçmegi başardy.
30 ýaşly sport ussady Ömürbek Bazarbaýew uly sporta tarap ýoluny Daşoguz welaýatynyň Gurbansoltan eje adyndaky etrabynyň çagalar-ýetginjekler sport mekdebinde, özüniň ilkinji türgenleşdirijisi Mömin Rejebowyň ýolbaşçylygynda başlapdy. Soňra paýtagtymyzdaky “Olimp” sport mekdebinde türgenleşdi. Soňky 9 ýylyň dowamynda ol agyr atletika Milli merkezinde Türkmenistanyň at gazanan türgenleşdirijileri Ikram Mätkerimowyň we Artur Emirýanyň ýobaşçylygynda ussatlygyny kämilleşdirýär. Şol hünärmenleriň ýolbaşçylygynda Ömürbek 2004-nji ýylda Afinyda geçirilen Olimpiýa oýunlarynda 62 kilograma çenli agramda bäsleşige gatnaşyjyaryň 20-siniň arasynda 7-nji orny eýeledi, 2007-nji ýylda Taýlandyň Çiang-Maý şäherinde geçirilen dünýä çempionatynda iň güýçlüleriň bäsligine girdi; 2004-nji ýylda ABŞ-nyň Merilend ştatynyň Frederik şäherinde talyplaryň arasynda geçirilen çempionatda dünýäniň çempony boldy, 2005-nji ýylda Saud Arabystanynyň Medine şäherinde geçirilen birinji Yslam raýdaşlygy oýunlarynda kümüş medalyň eýesi boldy, 2004-nji we 2008-nji ýyllarda Gazagystanyň Almaty şäherinde we Ýaponiýanyň Kanazawa şäherinde geçirilen Aziýanyň çempionatlarynda hem bürünç medallaryň eýesi boldy.
Parižiň bäsleşik meýdançalarynda biziň beýleki türgenlerimiz hem üstünlikli çykyş edip, öňdäki Olimpiýa oýunlaryna seçip alyş biziň toparymyza zerur utuklary getirýärler. Şoňa görä-de, şu depgini gowşutmasalar, dünýä çempionatynyň jemi boýunça türkmen agyr atletikaçylarynyň 2012-nji ýylyň Olimpiýa oýunlaryna ilkinji gezek bir bada üç ýollanma gazanmaga mümkinçiligi bar.
Medallar ugrunda 27 ýurtdan agyr atletikaçylaryň 36-sy bäsleşdiler. Bat alyp, birden götermekde Ömürbek 135 kilogram, ikinji görnüşde—itekläp götermekde 168 kilogram netije görkezdi. Jemleýji netijede biziň türgenimiz 303 kilogramy göterip, 31 türgenden öňe geçmegi başardy.
30 ýaşly sport ussady Ömürbek Bazarbaýew uly sporta tarap ýoluny Daşoguz welaýatynyň Gurbansoltan eje adyndaky etrabynyň çagalar-ýetginjekler sport mekdebinde, özüniň ilkinji türgenleşdirijisi Mömin Rejebowyň ýolbaşçylygynda başlapdy. Soňra paýtagtymyzdaky “Olimp” sport mekdebinde türgenleşdi. Soňky 9 ýylyň dowamynda ol agyr atletika Milli merkezinde Türkmenistanyň at gazanan türgenleşdirijileri Ikram Mätkerimowyň we Artur Emirýanyň ýobaşçylygynda ussatlygyny kämilleşdirýär. Şol hünärmenleriň ýolbaşçylygynda Ömürbek 2004-nji ýylda Afinyda geçirilen Olimpiýa oýunlarynda 62 kilograma çenli agramda bäsleşige gatnaşyjyaryň 20-siniň arasynda 7-nji orny eýeledi, 2007-nji ýylda Taýlandyň Çiang-Maý şäherinde geçirilen dünýä çempionatynda iň güýçlüleriň bäsligine girdi; 2004-nji ýylda ABŞ-nyň Merilend ştatynyň Frederik şäherinde talyplaryň arasynda geçirilen çempionatda dünýäniň çempony boldy, 2005-nji ýylda Saud Arabystanynyň Medine şäherinde geçirilen birinji Yslam raýdaşlygy oýunlarynda kümüş medalyň eýesi boldy, 2004-nji we 2008-nji ýyllarda Gazagystanyň Almaty şäherinde we Ýaponiýanyň Kanazawa şäherinde geçirilen Aziýanyň çempionatlarynda hem bürünç medallaryň eýesi boldy.
Parižiň bäsleşik meýdançalarynda biziň beýleki türgenlerimiz hem üstünlikli çykyş edip, öňdäki Olimpiýa oýunlaryna seçip alyş biziň toparymyza zerur utuklary getirýärler. Şoňa görä-de, şu depgini gowşutmasalar, dünýä çempionatynyň jemi boýunça türkmen agyr atletikaçylarynyň 2012-nji ýylyň Olimpiýa oýunlaryna ilkinji gezek bir bada üç ýollanma gazanmaga mümkinçiligi bar.
