Şu gün Balkanabat welaýatynyň dolandyryş merkezinde kadetleriň we ýetginjekleriň arasynda fehtowaniýe boýunça Türkmenistanda birinjiligi almak ugrunda ýaryş başlandy. Balkanabat şäheriniň olimpiýa rezerwiniň ýörüteleşdirilen çagalar we ýetginjekler mekdebiniň bedenterbiýe-sagaldyş toplumynda geçýän bu ýaryşa ýurdumyzyň welaýatlarynyň we Aşgabat şäheriniň ýygyndy toparyndan düzülen 80-e golaý türgen gatnaşýar.

Ýaş türgenler sportuň bu görnüşiniň dürli kategoriýalary boýunça güýç synanyşarlar. Iň gowy türgenler ýurdumyzyň ýygyndy toparyna girerler hem-de Russiýanyň paýtagty Moskwa şäherinde ýetginjekleriň arasynda mart aýynyň ahyrlarynda – aprel aýynyň başlarynda geçiriljek fehtowaniýe boýunça Dünýä çempionatyna taýýarlyk görüp başlarlar.

Türkmenistanda fehtowaniýe boýunça birinjiligini almak ugrundaky ýaryş 26-njy fewrala çenli dowam eder.