Hormatly Prezidentimiz Gurbanguly Berdimuhamedow “Hasar” täze süýji-köke öndürýän kärhananyň açylyş dabarasyna gatnaşdy
Şu gün Türkmenistanyň Prezidenti Gurbanguly Berdimuhamedow Watanymyzyň telekeçilerini goldamak boýunça ýurdumyzda durmuşa geçirilýän uly möçberli maksatnamanyň çäklerinde gurlan “Hasar” täze süýji-köke öndürýän kärhananyň açylyş dabarasyna gatnaşdy.
Gözel paýtagtymyz Aşgabat şäheriniň eteginde ýerleşýän Şor şäherçesinde bina edilen kärhananyň binalary baýramçylyk lybasyna beslendi. Täze kärhananyň töwereginde ajaýyp baýramçylyk ýagdaýy höküm sürýär. Bu ýere ýurdumyzyň Mejlisiniň Başlygy, hökümet agzalary,hormatly ýaşulular, jemgyýetçilik guramalarynyň, ministrlikleriň we edaralaryň, ýokary okuw mekdepleriniň hem-de habar beriş serişdeleriniň ýolbaşçylary we wekilleri ýygnandylar. Dabara gatnaşyjylaryň arasynda Türkmenistanyň Senagatçylar we telekeçiler birleşmesiniň agzalary we elbetde “Hasar” hojalyk jemgyýetiniň işgärleri, ýaşlar bar.
Türkmenistanyň Prezidentiniň awtoulagy hususy kärhananyň çägine gelip saklanýar. Bu ýere ýygnananlar uly joşgun bilen döwlet Baştutanyny mähirli garşylaýarlar, milli lybasly gyzlar asylly däbe görä, ajaýyp gül desselerini gowşurýarlar. Sarpaly ýaşulular hormatly Prezidentimiz Gurbanguly Berdimuhamedowy duz-çörek bilen garşylap, Milletiň Liderine alyp barýan oňyn syýasaty üçin tüýs ýürekden hoşallyk sözlerini aýtdylar. Din wekilleri Garaşsyz, Bitarap Watanymyzyň baky abadançylygy, milletiň Liderine berk jan saglyk hem-de ýurdumyzyň we halkymyzyň eşreti üçin alyp barýan ägirt uly işlerinde täze üstünlikleri eçilmegini gudraty güýçli Allatagaladan dileg etdiler.
Paýtagtymyzyň döredijilik toparlarynyň türkmen halkynyň bagtyýarlyk döwrüne we ajaýyp milli Bahar baýramyna bagyşlanan ajaýyp aýdym-tansly çykyşy bu ýerde bolup geçýän wakalara baýramçylyk öwüşginini çaýdy.
Döwlet Baştutany bu ýere ýygnananlar bilen mähirli salamlaşyp, sarpaly ýaşulularyň durmuşy we iş-aladalary bilen gyzyklanýar. Söhbetdeşlikde ýaşulular hormatly Prezidentimiz Gurbanguly Berdimuhamedowy ýetip gelýän Nowruz baýramy bilen gutlap, milletiň Liderine berk jan saglyk, uzak ömür, berkarar döwletiň bagtyýarlyk döwründe ägirt uly meýilnamalary durmuşa geçirmekde uly üstünlikleri arzuw etdiler.
Hormatly Prezidentimiz Gurbanguly Berdimuhamedow halkymyzyň abadançylygy we bagtyýar durmuşy hakyndaky alada Türkmenistanda döwlet syýasatynyň ileri tutulýan ugrudyr diýip nygtady. Milletiň Lideri täze taryhy eýýamda ýurdumyzyň ykdysadyýetini ösdürmek, döwletimizi öňdebaryjy orunlara çykarmak üçin köp işleri etmelidiris diýip, bu işde ägirt uly kuwwata eýe bolan milli ykdysadyýetimiziň döwlete dahylly däl bölegine aýratyn orun berilýändigini belledi.
Soňra milletiň Lideri Gurbanguly Berdimuhamedow dabara esasy gatnaşyjylar bolan Türkmenistanyň Senagatçylyk we telekeçiler birleşmesiniň agzalary bilen mähirli görşüp, olar bilen ýurdumyzda iri möçberli özgertmeleriň durmuşa geçirilişiniň barşy hem-de eziz Watanymyzyň halk hojalyk toplumyny ösdürmekde milli ykdysadyýetimiziň hususy ulgamynyň barha artýan orny barada pikir alyşdy.
Döwlet Baştutanynyň nygtaýşy ýaly, telekeçiligi hemmetaraplaýyn goldamak, hususy kärhanalaryň ýurdumyzyň jemi içerki önümindäki paýyny artdyrmak, önümçilik ulgamyny ösdürýän öňdebaryjy bazar usullaryny ykdysadyýete giňden ornaşdyrmak berkarar döwletiň bagtyýarlyk döwründe Türkmenistanyň durmuş-ykdysady syýasatynyň ileri tutulýan ugurlarynyň biridir. Döwlet hususy telekeçiligi ýerli çig maly ulanýan we dünýäniň önüm öndürijileri bilen bäsleşýän häzirki zaman ýokary tehnologik önümçilikleri döretmäge ugrukdyrýar diýip, milli Liderimiz belledi.
“Hasar” täze süýji-köke öndürýän kärhananyň gurulmagy we ulanmaga berilmegi hem şol möhüm wezipeleri çözmäge gönükdirilendir. Onuň önümleri – dürli süýji-köke önümleri diňe içerki bazarda uly islege eýe bolmak bilen çäklenmän, eýsem, ýurdumyzyň çäklerinden daşary hem ugradylýar.
Soňky ýyllarda döwlete dahylly däl ulgam içerki bazardaky ornuny ep-esli giňeltdi diýip Türkmenistanyň Prezidenti sözüni dowam etdirdi. Türkmenistanyň Senagatçylar we telekeçiler birleşmesiniň döredilmeginiň 4 ýyllygyna bagyşlanan ýurdumyzyň telekeçileriniň gazanan üstünlikleriniň geçen hepdede bolan däbe öwrülen sergisi munuň aýdyň subutnamasy boldy. Sergi merkezinde energetika we himiýa senagatynda, söwda hem-de hyzmatlar ulgamynda, oba hojalygynda we azyk önümlerini öndürmekde işleýän hususy önüm öndürijileriň, gurluşyk kärhanalarynyň, syýahatçylyk firmalarynyň, kompaniýalaryň ýüzlerçesi öz önümlerini hödürlediler. Bu sergi ýurdumyzyň telekeçiliginiň ägirt uly üstünliklerini we mümkinçiliklerini nobatdaky gezek görkezdi diýip, milli Liderimiz kanagatlanmak bilen belledi.
Hormatly Prezidentimiz Gurbanguly Berdimuhamedow türkmen telekeçileriniň hemişe üns merkezinde boljakdygyny, bazary harytlar bilen doldurmagy üçin döwletimiziň olara hemmetaraplaýyn goldaw berjekdigini aýdyp, ýurdumyzyň telekeçiligini ösdürmek we goldamak üçin ABŞ-nyň 30 million dollaryny goýberýändigini habar berdi. Bu habar şu ýere ýygnananlar tarapyndan uly joşgun bilen garşylandy.
Soňra Türkmenistanyň Prezidenti önümçilik binasyna tarap ugraýar we bu ýere ýygnananlaryň şowhunly elçarpyşmalary astynda däbe öwrülen toý bagyny kesýär. Gyzlar döwlet Baştutanyna ajaýyp bahar gül desselerini gowşurýarlar.
Binanyň giň eýwanynyň merkezi diwarynda täze taryhy eýýamyň esasy şygary bolan “Döwlet adam üçindir!” diýen şygar we Türkmenistanyň Prezidentiniň “Telekeçiler ýurdumyzyň altyn hazynasydyr” diýen sözleri ýerleşdirilipdir. Olar tutuş döwletimiziň maksatlarynyň we garaşsyz türkmen döwletiniň durmuş-ykdysady ösüşiniň strategiki wezipelerini durmuşa geçirmekde has äşgär orny eýeleýän ýurdumyzyň hususy işewürliginiň bitewüligini aňladýar.
Täze süýji-köke öndürýän “Hasar” kärhanasy doly önümçilik tapgyryndaky kärhanadyr, bu ýerde çig maly taýýarlamakdan taýýar önümleri gaplamaga çenli ähli zerur işler ýerine ýetirilýär. Bu ýerde öňdebaryjy tilsimatlary ornaşdyrmaga, ýerli çig maly önümçiligiň umumy möçberine doly derejede çekmäge, täze önümçilik kuwwatlyklaryny işe girizmäge uly orun berilýär. Kärhananyň dünýäniň önüm öndürijilerinden getirilen häzirki zaman ýokary tehnologiki enjamlar bilen üpjün edilmeginiň uly ähmiýeti bardyr. Şol enjamlar hyzmat etmegiň özbaşdak düzgünine geçmäge, şeýle hem öndürilýän önümleriň görnüşlerini yzygiderli täzelemäge mümkinçilik berdi.
Eger bu ýerde ozal süýji-köke önümleriniň diňe bir görnüşi çykarylan bolsa, indi bu ýerde olaryň 72 görnüşi, kökeleriň 37, şol sanda daşyna şokolad çaýylan kökeleriň 6 görnüşi, karameliň 20-den gowrak görnüşi, şeýle hem wafli önüminiň 11 görnüşi, şol sanda şokolad-wafli tortunyň üç görnüşi öndürilýär. Kärhana kakadylan miweleri, pisseleri gaýtadan işlemegi we gaplamagy hem amala aşyrýar. “Hasar” kärhanasynyň önümleri ýokary hilli bolup, nyrhynyň elýeterliligi bilen tapawutlanýar. Munuň özi daşary ýurtly hyzmatdaşlary özüne çekýär.
Ozal ilkinji kärhananyň çäkleri 9,5 müň inedördül metre barabar bolan bolsa, onda ýeňil metal gurnamalardan gurlan diňe bir önümçilik binasynyň meýdany 11 müň inedördül metrden gowrakdyr. Bu ýerde süýji önümleri öndürmegi we ony yzygiderli artdyrmagy doly awtomatlaşdyrmaga mümkinçilik berýän, Ýewropanyň önüm öndürijilerinden getirilen häzirki zaman enjamlary oturdyldy. Bu ýerde oturdylan ulgamlaryň iş öndürijiligi bir sagatda 900-1000 kilogram süýjä we 650-750 kilogram köke öndürmäge barabardyr. Kärhananyň işi 455 adamy, şol sanda süýji-köke öndürýän ussat hünärmenleri iş orunlary bilen üpjün etmäge mümkinçilik berýär.
Döwlet Baştutany täze kärhananyň ikinji gatyna, önümçilik bölümine çykýar we bu ýerde oturdylan köke öndürýän ulgamyň başyna geçýär. Kärhananyň ýolbaşçysy milletiň Liderinden önümçiligi işe girizmegi haýyş edýär. Hormatly Prezidentimiz Gurbanguly Berdimuhamedow täze bölümiň açylyşyna ak pata berip, bu ýere ýygnananlaryň elçarpyşmalary astynda süýji-köke öndürýän ulgamyň işe giriziş düwmesini basýar.
Ýewropanyň önüm öndürijilerinden getirilen häzirki zaman enjamlary bilen üpjün edilen täze kärhananyň işe girizilmegi bilen bu ýerde öndürilýän süýji-köke önümleriniň görnüşleri ep-esli giňelýär. Bular dürli tagam goşundylary bolan dürli görnüşdäki kökelerden, marmeladdan, daşy çaýylan we çaýylmadyk süýjülerden we iris süýjülerinden ybaratdyr.
Köke öndürmegiň tilsimaty bilen tanyşmagyň barşynda, önümçilik ulgamyna hyzmat edýän hünärmenleri Hormatly Prezidentimiz Gurbanguly Berdimuhamedowa süýji önümiň taýýarlanyşynyň hamyry garmakdan taýýar önümi gaplamaga çenli ähli tapgyrlary hakynda jikme-jik gürrüň berýärler. Ähli işler kompýuterleşdirildi, oňa hyzmat edýän işgärler ýörite taýýarlygy geçdiler, şol taýýarlygy “Hasar” kärhanasy tarapyndan Germaniýadan we Italiýadan satyn alnan täze enjamlary öndürijiler geçirdiler.
Soňra hormatly Prezidentimiz Gurbanguly Berdimuhamedow marmelad we şokolad öndürmek üçin niýetlenilen ikinji önümçilik ulgamyna tarap ugraýar, şol ýerde hem tagamly önümleriň öndürilişiniň ähli tapgyrlary bilen jikme-jik gyzyklanýar. Önümçilik ulgamy süýji önümleri öndürmek üçin çig malyň özüne çekiji süýji-köke önümlerine öwrülmegi üçin zerur bolan dürli enjamlar bilen ýeterlik derejede uzalyp gidýän ulgamlardan ybaratdyr.
Döwlet Baştutany taýýar önümi gaplamagyň tilsimaty bilen hem tanyşdy, ol awtomatiki ýagdaýda amala aşyrylýar. Täze önümleriň hemmesiniň özüne çekiji gaplanylyşy bilen tapawutlanýandygyny belläp geçmeli, onuň bezegini kärhananyň hünärmenleri işläp taýýarladylar. Olar milli öwüşginde ýerine ýetirildi hem-de tagamly önümleriň mynasyp adyna laýyk gelýär. Mysal üçin, "Awaza" milli syýahatçylyk zolagynyň ajaýyp nyşany içi ýakymly ak goşundysy bolan şokolad süýjüsiniň daş örtügini bezedi, nota ýazgysynyň we türkmenleriň esasy saz guraly bolan dutaryň şekilindäki örtükler bilen daşy dolanan süýji irisler “Owaz” adyny aldy. “Bedew” atly marmelad süýjüsiniň, “Kerwen” we “Aşgabat” süýjüleriniň daşky bezegi hem özüne çekijidir.
Süýji-köke öndürýän ulgamyň aýagujunda “Hasar” kärhanasy tarapyndan öndürilýän önümleriň sergisi ýaýbaňlandy. Kärhananyň ýolbaşçysy Türkmen döwletiniň Baştutany Gurbanguly Berdimuhamedowy süýji-köke önümleri bilen tanyşdyrdy.
Döwlet Baştutany kärhananyň ýolbaşçysyny we işgärlerini ýokary tehnologiki üpjünçiligi boýunça iň ýokary häzirki zaman talaplaryna laýyk gelýän önümçilik kärhanasynyň işe girizilmegi bilen mähirli gutlap we bu ýerde üstünlikli işlemek hem-de önümçiligi mundan beýläk-de ösdürmek üçin ähli zerur şertleriň döredilendigini nygtap, olara bu ugurda uly üstünlikleri arzuw etdi.
Soňra milli Liderimiz Gurbanguly Berdimuhamedow ýörite bellenen ýere geçýär, şol ýerde gurluşygy telekeçilere ynanylan desgalaryň birnäçesiniň taslamalary öz içine alan planşetler ýerleşdirilipdir. Mälim bolşy ýaly, şu ýylyň 6-njy ýanwarynda hökümetiň giňeldilen mejlisinde döwlet Baştutany karara gol çekip, Ahal we Balkan welaýatlaryny senagat taýdan ösdürmegiň esasy ugurlaryny tassyklady. Karara laýyklykda ýurdumyzyň telekeçilerine welaýatlary ösdürmegiň iri möçberli maksatnamasyny durmuşa geçirmekde uly orun berilýär, olara ýaşaýyş-durmuş maksatly möhüm desgalary gurmak, häzirki zaman önümçilik toplumlaryny döretmek ynanyldy.
Olaryň hatarynda Köpetdagyň eteginde guruljak has oňaýly belent jaýlar, iki gat kottejler, paýtagtymyzda we ýurdumyzyň welaýatlarynda gurulmagy meýilleşdirilýän fermer hojalyklary, dürli önümçilik we senagat desgalary bar. Şunuň bilen baglanyşykly şu gün ulanylmaga berlen täze kärhananyň, şeýle hem özbaşdak durmuş-üpjünçiligi ulgamynyň uly we möhüm wezipeleri çözmäge telekeçileriň hötde gelip biljekdigini, olaryň öz taslamalaryny durmuşa geçirmäge ukyplydygyny subut eden “Hasar” kärhanasynyň öz güýji bilen gurlandygyny bellemek möhümdir.
Hormatly Prezidentimiz Gurbanguly Berdimuhamedow görkezilen taslamalaryň her biri bilen jikme-jik tanyşdy . Türkmenistanyň Senagatçylar we telekeçiler birleşmesiniň başlygy A.Dadaýew taslamalar bilen tanyşdyrmagyň barşynda milli Liderimize ozal berlen tabşyryklaryň ýerine ýetirilişi barada habar bermek bilen taslamalaryň birnäçesi, şol sanda ýurdumyzyň bazaryny balyk önümleri bilen üpjün etmek üçin bekre balyklaryny köpeltmek boýunça taslama bilen tanyşdyrdy.
Köp gatly awtoduralgalary, et we süýt önümlerini saklamak üçin sowadyjy ammarlary, kottej şäherçesini, häzirki zaman mal bazaryny we beýlekileri döretmek boýunça taslamalar hem uly gyzyklanma döretdi. Milli Liderimiz bu teklipleri tiz durmuşa geçirmek üçin taslamalaryň her-haýsy boýunça degişli wise-premýerlere anyk tabşyryklary berdi.
Hormatly Prezidentimiz Gurbanguly Berdimuhamedow şu gün bolan dabaranyň—hususy telekeçiligiň täze desgasynyň işe girizilmegi mynasybetli täze kärhananyň Hormatly myhmanlar üçin kitabynda ýadygärlik ýazgy galdyrdy.
“Hasar” kärhanasynyň işgärleri öz gezeginde döwlet Baştutanyna Köpetdagyň iň belent gerşi bolan Hasar dagynyň şekili çitilen ýüpek halyny sowgat etdiler. Bu haly türkmen halyçy gelin-gyzlarynyň ýokary ussatlygynyň we zehininiň beýany bolmak bilen, ajaýyp türkmen tebigatynyň özboluşly senasy bolup durýar.
Milletiň Lideri dabara gatnaşyjylar bilen hoşlaşyp, bu ýere ýygnananlary şanly waka bilen ýene-de bir gezek gutlady, olara berk jan saglyk we işde uly üstünlikleri arzuw etdi.
Şu günki wakanyň hormatyna, eziz Watanymyzyň gülläp ösmeginiň hatyrasyna we Türkmenistanyň Prezidenti Gurbanguly Berdimuhamedowyň baş saglygyna toý sadakasy berildi.
Şu gün Türkmenistanyň Prezidenti Gurbanguly Berdimuhamedow Watanymyzyň telekeçilerini goldamak boýunça ýurdumyzda durmuşa geçirilýän uly möçberli maksatnamanyň çäklerinde gurlan “Hasar” täze süýji-köke öndürýän kärhananyň açylyş dabarasyna gatnaşdy.
Gözel paýtagtymyz Aşgabat şäheriniň eteginde ýerleşýän Şor şäherçesinde bina edilen kärhananyň binalary baýramçylyk lybasyna beslendi. Täze kärhananyň töwereginde ajaýyp baýramçylyk ýagdaýy höküm sürýär. Bu ýere ýurdumyzyň Mejlisiniň Başlygy, hökümet agzalary,hormatly ýaşulular, jemgyýetçilik guramalarynyň, ministrlikleriň we edaralaryň, ýokary okuw mekdepleriniň hem-de habar beriş serişdeleriniň ýolbaşçylary we wekilleri ýygnandylar. Dabara gatnaşyjylaryň arasynda Türkmenistanyň Senagatçylar we telekeçiler birleşmesiniň agzalary we elbetde “Hasar” hojalyk jemgyýetiniň işgärleri, ýaşlar bar.
Türkmenistanyň Prezidentiniň awtoulagy hususy kärhananyň çägine gelip saklanýar. Bu ýere ýygnananlar uly joşgun bilen döwlet Baştutanyny mähirli garşylaýarlar, milli lybasly gyzlar asylly däbe görä, ajaýyp gül desselerini gowşurýarlar. Sarpaly ýaşulular hormatly Prezidentimiz Gurbanguly Berdimuhamedowy duz-çörek bilen garşylap, Milletiň Liderine alyp barýan oňyn syýasaty üçin tüýs ýürekden hoşallyk sözlerini aýtdylar. Din wekilleri Garaşsyz, Bitarap Watanymyzyň baky abadançylygy, milletiň Liderine berk jan saglyk hem-de ýurdumyzyň we halkymyzyň eşreti üçin alyp barýan ägirt uly işlerinde täze üstünlikleri eçilmegini gudraty güýçli Allatagaladan dileg etdiler.
Paýtagtymyzyň döredijilik toparlarynyň türkmen halkynyň bagtyýarlyk döwrüne we ajaýyp milli Bahar baýramyna bagyşlanan ajaýyp aýdym-tansly çykyşy bu ýerde bolup geçýän wakalara baýramçylyk öwüşginini çaýdy.
Döwlet Baştutany bu ýere ýygnananlar bilen mähirli salamlaşyp, sarpaly ýaşulularyň durmuşy we iş-aladalary bilen gyzyklanýar. Söhbetdeşlikde ýaşulular hormatly Prezidentimiz Gurbanguly Berdimuhamedowy ýetip gelýän Nowruz baýramy bilen gutlap, milletiň Liderine berk jan saglyk, uzak ömür, berkarar döwletiň bagtyýarlyk döwründe ägirt uly meýilnamalary durmuşa geçirmekde uly üstünlikleri arzuw etdiler.
Hormatly Prezidentimiz Gurbanguly Berdimuhamedow halkymyzyň abadançylygy we bagtyýar durmuşy hakyndaky alada Türkmenistanda döwlet syýasatynyň ileri tutulýan ugrudyr diýip nygtady. Milletiň Lideri täze taryhy eýýamda ýurdumyzyň ykdysadyýetini ösdürmek, döwletimizi öňdebaryjy orunlara çykarmak üçin köp işleri etmelidiris diýip, bu işde ägirt uly kuwwata eýe bolan milli ykdysadyýetimiziň döwlete dahylly däl bölegine aýratyn orun berilýändigini belledi.
Soňra milletiň Lideri Gurbanguly Berdimuhamedow dabara esasy gatnaşyjylar bolan Türkmenistanyň Senagatçylyk we telekeçiler birleşmesiniň agzalary bilen mähirli görşüp, olar bilen ýurdumyzda iri möçberli özgertmeleriň durmuşa geçirilişiniň barşy hem-de eziz Watanymyzyň halk hojalyk toplumyny ösdürmekde milli ykdysadyýetimiziň hususy ulgamynyň barha artýan orny barada pikir alyşdy.
Döwlet Baştutanynyň nygtaýşy ýaly, telekeçiligi hemmetaraplaýyn goldamak, hususy kärhanalaryň ýurdumyzyň jemi içerki önümindäki paýyny artdyrmak, önümçilik ulgamyny ösdürýän öňdebaryjy bazar usullaryny ykdysadyýete giňden ornaşdyrmak berkarar döwletiň bagtyýarlyk döwründe Türkmenistanyň durmuş-ykdysady syýasatynyň ileri tutulýan ugurlarynyň biridir. Döwlet hususy telekeçiligi ýerli çig maly ulanýan we dünýäniň önüm öndürijileri bilen bäsleşýän häzirki zaman ýokary tehnologik önümçilikleri döretmäge ugrukdyrýar diýip, milli Liderimiz belledi.
“Hasar” täze süýji-köke öndürýän kärhananyň gurulmagy we ulanmaga berilmegi hem şol möhüm wezipeleri çözmäge gönükdirilendir. Onuň önümleri – dürli süýji-köke önümleri diňe içerki bazarda uly islege eýe bolmak bilen çäklenmän, eýsem, ýurdumyzyň çäklerinden daşary hem ugradylýar.
Soňky ýyllarda döwlete dahylly däl ulgam içerki bazardaky ornuny ep-esli giňeltdi diýip Türkmenistanyň Prezidenti sözüni dowam etdirdi. Türkmenistanyň Senagatçylar we telekeçiler birleşmesiniň döredilmeginiň 4 ýyllygyna bagyşlanan ýurdumyzyň telekeçileriniň gazanan üstünlikleriniň geçen hepdede bolan däbe öwrülen sergisi munuň aýdyň subutnamasy boldy. Sergi merkezinde energetika we himiýa senagatynda, söwda hem-de hyzmatlar ulgamynda, oba hojalygynda we azyk önümlerini öndürmekde işleýän hususy önüm öndürijileriň, gurluşyk kärhanalarynyň, syýahatçylyk firmalarynyň, kompaniýalaryň ýüzlerçesi öz önümlerini hödürlediler. Bu sergi ýurdumyzyň telekeçiliginiň ägirt uly üstünliklerini we mümkinçiliklerini nobatdaky gezek görkezdi diýip, milli Liderimiz kanagatlanmak bilen belledi.
Hormatly Prezidentimiz Gurbanguly Berdimuhamedow türkmen telekeçileriniň hemişe üns merkezinde boljakdygyny, bazary harytlar bilen doldurmagy üçin döwletimiziň olara hemmetaraplaýyn goldaw berjekdigini aýdyp, ýurdumyzyň telekeçiligini ösdürmek we goldamak üçin ABŞ-nyň 30 million dollaryny goýberýändigini habar berdi. Bu habar şu ýere ýygnananlar tarapyndan uly joşgun bilen garşylandy.
Soňra Türkmenistanyň Prezidenti önümçilik binasyna tarap ugraýar we bu ýere ýygnananlaryň şowhunly elçarpyşmalary astynda däbe öwrülen toý bagyny kesýär. Gyzlar döwlet Baştutanyna ajaýyp bahar gül desselerini gowşurýarlar.
Binanyň giň eýwanynyň merkezi diwarynda täze taryhy eýýamyň esasy şygary bolan “Döwlet adam üçindir!” diýen şygar we Türkmenistanyň Prezidentiniň “Telekeçiler ýurdumyzyň altyn hazynasydyr” diýen sözleri ýerleşdirilipdir. Olar tutuş döwletimiziň maksatlarynyň we garaşsyz türkmen döwletiniň durmuş-ykdysady ösüşiniň strategiki wezipelerini durmuşa geçirmekde has äşgär orny eýeleýän ýurdumyzyň hususy işewürliginiň bitewüligini aňladýar.
Täze süýji-köke öndürýän “Hasar” kärhanasy doly önümçilik tapgyryndaky kärhanadyr, bu ýerde çig maly taýýarlamakdan taýýar önümleri gaplamaga çenli ähli zerur işler ýerine ýetirilýär. Bu ýerde öňdebaryjy tilsimatlary ornaşdyrmaga, ýerli çig maly önümçiligiň umumy möçberine doly derejede çekmäge, täze önümçilik kuwwatlyklaryny işe girizmäge uly orun berilýär. Kärhananyň dünýäniň önüm öndürijilerinden getirilen häzirki zaman ýokary tehnologiki enjamlar bilen üpjün edilmeginiň uly ähmiýeti bardyr. Şol enjamlar hyzmat etmegiň özbaşdak düzgünine geçmäge, şeýle hem öndürilýän önümleriň görnüşlerini yzygiderli täzelemäge mümkinçilik berdi.
Eger bu ýerde ozal süýji-köke önümleriniň diňe bir görnüşi çykarylan bolsa, indi bu ýerde olaryň 72 görnüşi, kökeleriň 37, şol sanda daşyna şokolad çaýylan kökeleriň 6 görnüşi, karameliň 20-den gowrak görnüşi, şeýle hem wafli önüminiň 11 görnüşi, şol sanda şokolad-wafli tortunyň üç görnüşi öndürilýär. Kärhana kakadylan miweleri, pisseleri gaýtadan işlemegi we gaplamagy hem amala aşyrýar. “Hasar” kärhanasynyň önümleri ýokary hilli bolup, nyrhynyň elýeterliligi bilen tapawutlanýar. Munuň özi daşary ýurtly hyzmatdaşlary özüne çekýär.
Ozal ilkinji kärhananyň çäkleri 9,5 müň inedördül metre barabar bolan bolsa, onda ýeňil metal gurnamalardan gurlan diňe bir önümçilik binasynyň meýdany 11 müň inedördül metrden gowrakdyr. Bu ýerde süýji önümleri öndürmegi we ony yzygiderli artdyrmagy doly awtomatlaşdyrmaga mümkinçilik berýän, Ýewropanyň önüm öndürijilerinden getirilen häzirki zaman enjamlary oturdyldy. Bu ýerde oturdylan ulgamlaryň iş öndürijiligi bir sagatda 900-1000 kilogram süýjä we 650-750 kilogram köke öndürmäge barabardyr. Kärhananyň işi 455 adamy, şol sanda süýji-köke öndürýän ussat hünärmenleri iş orunlary bilen üpjün etmäge mümkinçilik berýär.
Döwlet Baştutany täze kärhananyň ikinji gatyna, önümçilik bölümine çykýar we bu ýerde oturdylan köke öndürýän ulgamyň başyna geçýär. Kärhananyň ýolbaşçysy milletiň Liderinden önümçiligi işe girizmegi haýyş edýär. Hormatly Prezidentimiz Gurbanguly Berdimuhamedow täze bölümiň açylyşyna ak pata berip, bu ýere ýygnananlaryň elçarpyşmalary astynda süýji-köke öndürýän ulgamyň işe giriziş düwmesini basýar.
Ýewropanyň önüm öndürijilerinden getirilen häzirki zaman enjamlary bilen üpjün edilen täze kärhananyň işe girizilmegi bilen bu ýerde öndürilýän süýji-köke önümleriniň görnüşleri ep-esli giňelýär. Bular dürli tagam goşundylary bolan dürli görnüşdäki kökelerden, marmeladdan, daşy çaýylan we çaýylmadyk süýjülerden we iris süýjülerinden ybaratdyr.
Köke öndürmegiň tilsimaty bilen tanyşmagyň barşynda, önümçilik ulgamyna hyzmat edýän hünärmenleri Hormatly Prezidentimiz Gurbanguly Berdimuhamedowa süýji önümiň taýýarlanyşynyň hamyry garmakdan taýýar önümi gaplamaga çenli ähli tapgyrlary hakynda jikme-jik gürrüň berýärler. Ähli işler kompýuterleşdirildi, oňa hyzmat edýän işgärler ýörite taýýarlygy geçdiler, şol taýýarlygy “Hasar” kärhanasy tarapyndan Germaniýadan we Italiýadan satyn alnan täze enjamlary öndürijiler geçirdiler.
Soňra hormatly Prezidentimiz Gurbanguly Berdimuhamedow marmelad we şokolad öndürmek üçin niýetlenilen ikinji önümçilik ulgamyna tarap ugraýar, şol ýerde hem tagamly önümleriň öndürilişiniň ähli tapgyrlary bilen jikme-jik gyzyklanýar. Önümçilik ulgamy süýji önümleri öndürmek üçin çig malyň özüne çekiji süýji-köke önümlerine öwrülmegi üçin zerur bolan dürli enjamlar bilen ýeterlik derejede uzalyp gidýän ulgamlardan ybaratdyr.
Döwlet Baştutany taýýar önümi gaplamagyň tilsimaty bilen hem tanyşdy, ol awtomatiki ýagdaýda amala aşyrylýar. Täze önümleriň hemmesiniň özüne çekiji gaplanylyşy bilen tapawutlanýandygyny belläp geçmeli, onuň bezegini kärhananyň hünärmenleri işläp taýýarladylar. Olar milli öwüşginde ýerine ýetirildi hem-de tagamly önümleriň mynasyp adyna laýyk gelýär. Mysal üçin, "Awaza" milli syýahatçylyk zolagynyň ajaýyp nyşany içi ýakymly ak goşundysy bolan şokolad süýjüsiniň daş örtügini bezedi, nota ýazgysynyň we türkmenleriň esasy saz guraly bolan dutaryň şekilindäki örtükler bilen daşy dolanan süýji irisler “Owaz” adyny aldy. “Bedew” atly marmelad süýjüsiniň, “Kerwen” we “Aşgabat” süýjüleriniň daşky bezegi hem özüne çekijidir.
Süýji-köke öndürýän ulgamyň aýagujunda “Hasar” kärhanasy tarapyndan öndürilýän önümleriň sergisi ýaýbaňlandy. Kärhananyň ýolbaşçysy Türkmen döwletiniň Baştutany Gurbanguly Berdimuhamedowy süýji-köke önümleri bilen tanyşdyrdy.
Döwlet Baştutany kärhananyň ýolbaşçysyny we işgärlerini ýokary tehnologiki üpjünçiligi boýunça iň ýokary häzirki zaman talaplaryna laýyk gelýän önümçilik kärhanasynyň işe girizilmegi bilen mähirli gutlap we bu ýerde üstünlikli işlemek hem-de önümçiligi mundan beýläk-de ösdürmek üçin ähli zerur şertleriň döredilendigini nygtap, olara bu ugurda uly üstünlikleri arzuw etdi.
Soňra milli Liderimiz Gurbanguly Berdimuhamedow ýörite bellenen ýere geçýär, şol ýerde gurluşygy telekeçilere ynanylan desgalaryň birnäçesiniň taslamalary öz içine alan planşetler ýerleşdirilipdir. Mälim bolşy ýaly, şu ýylyň 6-njy ýanwarynda hökümetiň giňeldilen mejlisinde döwlet Baştutany karara gol çekip, Ahal we Balkan welaýatlaryny senagat taýdan ösdürmegiň esasy ugurlaryny tassyklady. Karara laýyklykda ýurdumyzyň telekeçilerine welaýatlary ösdürmegiň iri möçberli maksatnamasyny durmuşa geçirmekde uly orun berilýär, olara ýaşaýyş-durmuş maksatly möhüm desgalary gurmak, häzirki zaman önümçilik toplumlaryny döretmek ynanyldy.
Olaryň hatarynda Köpetdagyň eteginde guruljak has oňaýly belent jaýlar, iki gat kottejler, paýtagtymyzda we ýurdumyzyň welaýatlarynda gurulmagy meýilleşdirilýän fermer hojalyklary, dürli önümçilik we senagat desgalary bar. Şunuň bilen baglanyşykly şu gün ulanylmaga berlen täze kärhananyň, şeýle hem özbaşdak durmuş-üpjünçiligi ulgamynyň uly we möhüm wezipeleri çözmäge telekeçileriň hötde gelip biljekdigini, olaryň öz taslamalaryny durmuşa geçirmäge ukyplydygyny subut eden “Hasar” kärhanasynyň öz güýji bilen gurlandygyny bellemek möhümdir.
Hormatly Prezidentimiz Gurbanguly Berdimuhamedow görkezilen taslamalaryň her biri bilen jikme-jik tanyşdy . Türkmenistanyň Senagatçylar we telekeçiler birleşmesiniň başlygy A.Dadaýew taslamalar bilen tanyşdyrmagyň barşynda milli Liderimize ozal berlen tabşyryklaryň ýerine ýetirilişi barada habar bermek bilen taslamalaryň birnäçesi, şol sanda ýurdumyzyň bazaryny balyk önümleri bilen üpjün etmek üçin bekre balyklaryny köpeltmek boýunça taslama bilen tanyşdyrdy.
Köp gatly awtoduralgalary, et we süýt önümlerini saklamak üçin sowadyjy ammarlary, kottej şäherçesini, häzirki zaman mal bazaryny we beýlekileri döretmek boýunça taslamalar hem uly gyzyklanma döretdi. Milli Liderimiz bu teklipleri tiz durmuşa geçirmek üçin taslamalaryň her-haýsy boýunça degişli wise-premýerlere anyk tabşyryklary berdi.
Hormatly Prezidentimiz Gurbanguly Berdimuhamedow şu gün bolan dabaranyň—hususy telekeçiligiň täze desgasynyň işe girizilmegi mynasybetli täze kärhananyň Hormatly myhmanlar üçin kitabynda ýadygärlik ýazgy galdyrdy.
“Hasar” kärhanasynyň işgärleri öz gezeginde döwlet Baştutanyna Köpetdagyň iň belent gerşi bolan Hasar dagynyň şekili çitilen ýüpek halyny sowgat etdiler. Bu haly türkmen halyçy gelin-gyzlarynyň ýokary ussatlygynyň we zehininiň beýany bolmak bilen, ajaýyp türkmen tebigatynyň özboluşly senasy bolup durýar.
Milletiň Lideri dabara gatnaşyjylar bilen hoşlaşyp, bu ýere ýygnananlary şanly waka bilen ýene-de bir gezek gutlady, olara berk jan saglyk we işde uly üstünlikleri arzuw etdi.
Şu günki wakanyň hormatyna, eziz Watanymyzyň gülläp ösmeginiň hatyrasyna we Türkmenistanyň Prezidenti Gurbanguly Berdimuhamedowyň baş saglygyna toý sadakasy berildi.