Şu gün Türkmenistanyň Prezidenti Gurbanguly Berdimuhamedow «Çalyk Holding» kompaniýalar toparynyň dolandyryjylar geňeşiniň başlygy Ahmet Çalygy kabul etdi.
Türkiýeli işewür ýüzbe-ýüz duşuşykda hyzmatdaşlygyň möhüm meselelerini, hususan-da «Çalyk Holding» kompaniýasyna ozal berlen tabşyryklary ýerine ýetirmek boýunça alnyp barylýan işleri ara alyp maslahatlaşmaga döredilen mümkinçilik üçin hoşallyk bildirip, özüniň ýolbaşçylyk edýän kompaniýasynyň Türkmenistanda ýurduň ykdysady taýdan mundan beýläk-de gülläp ösmegine, halkyň abadançylygyna gönükdirilen iri möçberli taslamalary durmuşa geçirmäge işjeň gatnaşmaga uly gyzyklanma bildirýändigini aýtdy.
Hormatly Prezidentimiz Gurbanguly Berdimuhamedow Türkmenistanyň öňden gelýän hyzmatdaşy, belli kompaniýanyň ýolbaşçysyna bitirýän işleri üçin minnetdarlyk bildirip, milli ykdysadyýetiň diwersifikasiýa edilmegine bolan meýilleriň dünýäniň iň täze tehnologiýalarynyň we işläp taýýarlamalarynyň işjeň çekilmegini ugur edinýändigini, şeýlelikde, daşary ýurt kompaniýalary, şol sanda Türkiýäniň işewür toparlarlarynyň hem bu babatda öz tekliplerini berip biljekdiklerini belledi.
Duşuşygyň barşynda, döwlet Baştutanymyz we myhman hyzmatdaşlygyň häzirki ýagdaýy we geljegi, şeýle hem birnäçe möhüm ugurlar, şol sanda ýangyç-energetika toplumynda üstünlikli ösdürilýän hyzmatdaşlyk bilen baglanyşykly meseleleri ara alyp maslahatlaşdylar.
Ahmet Çalyk öz gezeginde milli Liderimize soňky döwürde ýerine ýetirilen işleriň netijeleri we ozal berlen tabşyryklaryň berjaý edilişi barada hasabat bermek bilen, däbe öwrülen hyzmatdaşlygyň mundan beýläk-de Türkmenistanyň döwlet syýasatynyň ileri tutulýan ugurlaryny hem-de ýurtda ýaýbaňlandyrylan özgertmeler maksatnamasyny nazara almak bilen, özara peýdaly esasda ösdüriljekdigini belledi.
Şeýle hem «Çalyk Holding» kompaniýalar toplumynyň dolandyryjylar geňeşiniň başlygy paýtagtymyzyň energiýa üpjünçiliginiň has-da gowulandyrylmagyny ugur edinýän birnäçe taslamalary döwlet Baştutanymyza görkezdi. Türkiýeli işewür Türkmenistanyň taryhynda iň iri energiýa taslamasyny durmuşa geçirmegiň tehniki aýratynlyklary we meýilnamalary barada gürrüň berdi.
Taslamanyň durmuşa geçiriliş möhleti bäş ýyl bolup, ol üç tapgyrda amala aşyrylar. Gurulmagy meýilleşdirilýän podstansiýalaryň 60-synyň hemmesi bir bitewi elektroulgama birikdiriler.
Hormatly Prezidentimiz energiýa üpjünçiliginiň gowulandyrylmagyny göz öňünde tutýan taslamalar bilen içgin tanşyp, olar amala aşyrylanda dürli howa şertlerine garamazdan, energiýa üpjünçiliginiň durnukly bolmalydygyny, taslamalarda dünýäniň iň öňdebaryjy gazananlarynyň öz beýanyny tapmalydygyny hem-de olaryň ylmy nukdaýnazardan esaslandyrylmalydygyny belledi.
Döwlet Baştutanymyzyň aýdyşy ýaly, häzirki zaman ösen energetika ulgamynyň döredilmegi tutuş halk hojalyk toplumynyň üstünlikli ösüşiniň aýrylmaz bölegi bolup durýar, onuň döwrebaplaşdyrylmagy ugrunda döwletimiz dünýäniň öňdebaryjy tejribesini önümçilige işjeň çekýär.
Şunuň bilen baglylykda, «Çalyk Holding» kompaniýasynyň türkmen paýtagtynyň, geljekde bolsa tapgyrlaýyn esasda tutuş ýurdumyzyň elektrik üpjünçilik ulgamyny döwrebaplaşdyrmak boýunça hödürlän täze taslamalaryna aýratyn ähmiýet berildi.
Her ýylda Aşgabatda onlarça senagat we medeni-durmuş ähmiýetli desgalaryň gurulýandygyny nazara almak bilen, sazlaşykly ösýän paýtagtyň elektrik energiýasy bilen ygtybarly we bökdençsiz üpjün edilmegi häzirki döwrüň esasy talaby bolup durýar. Şu nukdaýnazardan myhman «Çalyk Holding» kompaniýasynyň iň häzirki zaman tehnologiýalryna eýedigini we Türkmenistana ýurduň elektroenergiýa pudagynyň ösdürilmeginde öz hyzmatlaryny hödürläp biljekdigini we berkarar döwletiň bagtyýarlyk döwrüne laýyk gelýän wezipeleriň üstünlikli çözülmegine goşandyny goşmaga taýýardygyny nygtady.
Türkiýeli hyzmatdaşlaryň netijeli gatnaşyklary ýola goýmaga bolan çemeleşmelerine ýokary baha berip, hormatly Prezidentimiz «Çalyk Holding» kompaniýasynyň tekliplerini oňlady we degişli Karara gol çekip, energetika pudagyndaky täze iri möçberli bilelikdäki taslamanyň durmuşa geçirilmegine badalga berdi. Garaşsyzlyk ýyllarynda Türkmenistanda birnäçe täze elektrik stansiýalary guruldy. Olaryň kuwwatlyklary diňe bir ýurduň içindäki sarp edijileriň isleglerini kanagatlandyrmak bilen çäklenmän, eýsem, elektroenergiýany daşary ýurtlara eksport etmäge hem mümkinçilik berýär diýip, milli Liderimiz belledi. Häzirki döwürde dünýä ülňülerine laýyk gelýän durnukly elektrik üpjünçiligine bolan isleg barha ýokarlanýar, hut şonuň üçin hem ulgamyň geçirijilik ukybyny ýokarlandyrmak, elektrik energiýasynyň paýlanylyşyny üpjün etmek, täze elektrik beketlerini gurmak we ozal bar bolanlaryny döwrebaplaşdyrmak, olaryň dünýäniň öňdebaryjy önüm öndürijileriniň enjamlary bilen üpäün edilmegini ýola goýmak, şeýle hem iň täze energiýa tygşytlaýjy we beýleki innowasion tehnologiýalary giňden peýdalanmak döwrüň möhüm talaplarynyň biridir diýip, döwlet Baştutanymyz aýtdy.
Ahmet Çalyk ähli aýdylan bellikleriň ýurduň hem-de onuň halkynyň bähbitlerine laýyklykda döwlet Baştutanynyň öňe süren giň möçberli energiýa taslamasyny işläp taýýarlamakda göz öňünde tutuljakdygyny belledi. Aýdylyşy ýaly, türkmen paýtagtynyň elektroenergiýa düzümini kämilleşdirmek boýunça taýýarlanylan taslamanyň tanyşdyrylyşy iki aý mundan ozal boldy. Şeýlelikde, taslamanyň durmuşa geçirilmeginde dünýäniň öňdebaryjy kompaniýalary bolan Schneider Electric, Siemens, General Electric, ABB we beýlekiler işjeň gatnaşarlar we desgada öňdebaryjy enjamlar oturdylar, şeýle hem ol kompaniýalar desganyň işe girizilmegini, degişli hünärmenleriň taýýarlanylmagyny berjaý ederler.
Işewür özüniň ýolbaşçylyk edýän kompaniýasyna bildirilen ynam üçin tüýs ýürekden hoşallyk bildirip, öz öňlerinde goýlan wezipäni üstünlikli durmuşa geçirmek we desgany öz wagtynda, ýokary hilli gurmak boýunça ähli tagallalary etjekdiklerine ynandyrdy.
Hormatly Prezidentimiz Gurbanguly Berdimuhamedow we myhman hoşlaşanlarynda birek-birege hoşniýetli arzuwlary aýdyp, uzak möhletleýin, özara peýdaly esasda ýola goýulýan netijeli hyzmatdaşlygyň mundan beýläk-de dowam etdiriljekdigine we türkmen we türk halklarynyň arasyndaky dostluk hem-de birek-birege düşünişmek gatnaşyklarynyň pugtalandyryljakdygyna ynam bildirdiler.
Türkiýeli işewür ýüzbe-ýüz duşuşykda hyzmatdaşlygyň möhüm meselelerini, hususan-da «Çalyk Holding» kompaniýasyna ozal berlen tabşyryklary ýerine ýetirmek boýunça alnyp barylýan işleri ara alyp maslahatlaşmaga döredilen mümkinçilik üçin hoşallyk bildirip, özüniň ýolbaşçylyk edýän kompaniýasynyň Türkmenistanda ýurduň ykdysady taýdan mundan beýläk-de gülläp ösmegine, halkyň abadançylygyna gönükdirilen iri möçberli taslamalary durmuşa geçirmäge işjeň gatnaşmaga uly gyzyklanma bildirýändigini aýtdy.
Hormatly Prezidentimiz Gurbanguly Berdimuhamedow Türkmenistanyň öňden gelýän hyzmatdaşy, belli kompaniýanyň ýolbaşçysyna bitirýän işleri üçin minnetdarlyk bildirip, milli ykdysadyýetiň diwersifikasiýa edilmegine bolan meýilleriň dünýäniň iň täze tehnologiýalarynyň we işläp taýýarlamalarynyň işjeň çekilmegini ugur edinýändigini, şeýlelikde, daşary ýurt kompaniýalary, şol sanda Türkiýäniň işewür toparlarlarynyň hem bu babatda öz tekliplerini berip biljekdiklerini belledi.
Duşuşygyň barşynda, döwlet Baştutanymyz we myhman hyzmatdaşlygyň häzirki ýagdaýy we geljegi, şeýle hem birnäçe möhüm ugurlar, şol sanda ýangyç-energetika toplumynda üstünlikli ösdürilýän hyzmatdaşlyk bilen baglanyşykly meseleleri ara alyp maslahatlaşdylar.
Ahmet Çalyk öz gezeginde milli Liderimize soňky döwürde ýerine ýetirilen işleriň netijeleri we ozal berlen tabşyryklaryň berjaý edilişi barada hasabat bermek bilen, däbe öwrülen hyzmatdaşlygyň mundan beýläk-de Türkmenistanyň döwlet syýasatynyň ileri tutulýan ugurlaryny hem-de ýurtda ýaýbaňlandyrylan özgertmeler maksatnamasyny nazara almak bilen, özara peýdaly esasda ösdüriljekdigini belledi.
Şeýle hem «Çalyk Holding» kompaniýalar toplumynyň dolandyryjylar geňeşiniň başlygy paýtagtymyzyň energiýa üpjünçiliginiň has-da gowulandyrylmagyny ugur edinýän birnäçe taslamalary döwlet Baştutanymyza görkezdi. Türkiýeli işewür Türkmenistanyň taryhynda iň iri energiýa taslamasyny durmuşa geçirmegiň tehniki aýratynlyklary we meýilnamalary barada gürrüň berdi.
Taslamanyň durmuşa geçiriliş möhleti bäş ýyl bolup, ol üç tapgyrda amala aşyrylar. Gurulmagy meýilleşdirilýän podstansiýalaryň 60-synyň hemmesi bir bitewi elektroulgama birikdiriler.
Hormatly Prezidentimiz energiýa üpjünçiliginiň gowulandyrylmagyny göz öňünde tutýan taslamalar bilen içgin tanşyp, olar amala aşyrylanda dürli howa şertlerine garamazdan, energiýa üpjünçiliginiň durnukly bolmalydygyny, taslamalarda dünýäniň iň öňdebaryjy gazananlarynyň öz beýanyny tapmalydygyny hem-de olaryň ylmy nukdaýnazardan esaslandyrylmalydygyny belledi.
Döwlet Baştutanymyzyň aýdyşy ýaly, häzirki zaman ösen energetika ulgamynyň döredilmegi tutuş halk hojalyk toplumynyň üstünlikli ösüşiniň aýrylmaz bölegi bolup durýar, onuň döwrebaplaşdyrylmagy ugrunda döwletimiz dünýäniň öňdebaryjy tejribesini önümçilige işjeň çekýär.
Şunuň bilen baglylykda, «Çalyk Holding» kompaniýasynyň türkmen paýtagtynyň, geljekde bolsa tapgyrlaýyn esasda tutuş ýurdumyzyň elektrik üpjünçilik ulgamyny döwrebaplaşdyrmak boýunça hödürlän täze taslamalaryna aýratyn ähmiýet berildi.
Her ýylda Aşgabatda onlarça senagat we medeni-durmuş ähmiýetli desgalaryň gurulýandygyny nazara almak bilen, sazlaşykly ösýän paýtagtyň elektrik energiýasy bilen ygtybarly we bökdençsiz üpjün edilmegi häzirki döwrüň esasy talaby bolup durýar. Şu nukdaýnazardan myhman «Çalyk Holding» kompaniýasynyň iň häzirki zaman tehnologiýalryna eýedigini we Türkmenistana ýurduň elektroenergiýa pudagynyň ösdürilmeginde öz hyzmatlaryny hödürläp biljekdigini we berkarar döwletiň bagtyýarlyk döwrüne laýyk gelýän wezipeleriň üstünlikli çözülmegine goşandyny goşmaga taýýardygyny nygtady.
Türkiýeli hyzmatdaşlaryň netijeli gatnaşyklary ýola goýmaga bolan çemeleşmelerine ýokary baha berip, hormatly Prezidentimiz «Çalyk Holding» kompaniýasynyň tekliplerini oňlady we degişli Karara gol çekip, energetika pudagyndaky täze iri möçberli bilelikdäki taslamanyň durmuşa geçirilmegine badalga berdi. Garaşsyzlyk ýyllarynda Türkmenistanda birnäçe täze elektrik stansiýalary guruldy. Olaryň kuwwatlyklary diňe bir ýurduň içindäki sarp edijileriň isleglerini kanagatlandyrmak bilen çäklenmän, eýsem, elektroenergiýany daşary ýurtlara eksport etmäge hem mümkinçilik berýär diýip, milli Liderimiz belledi. Häzirki döwürde dünýä ülňülerine laýyk gelýän durnukly elektrik üpjünçiligine bolan isleg barha ýokarlanýar, hut şonuň üçin hem ulgamyň geçirijilik ukybyny ýokarlandyrmak, elektrik energiýasynyň paýlanylyşyny üpjün etmek, täze elektrik beketlerini gurmak we ozal bar bolanlaryny döwrebaplaşdyrmak, olaryň dünýäniň öňdebaryjy önüm öndürijileriniň enjamlary bilen üpäün edilmegini ýola goýmak, şeýle hem iň täze energiýa tygşytlaýjy we beýleki innowasion tehnologiýalary giňden peýdalanmak döwrüň möhüm talaplarynyň biridir diýip, döwlet Baştutanymyz aýtdy.
Ahmet Çalyk ähli aýdylan bellikleriň ýurduň hem-de onuň halkynyň bähbitlerine laýyklykda döwlet Baştutanynyň öňe süren giň möçberli energiýa taslamasyny işläp taýýarlamakda göz öňünde tutuljakdygyny belledi. Aýdylyşy ýaly, türkmen paýtagtynyň elektroenergiýa düzümini kämilleşdirmek boýunça taýýarlanylan taslamanyň tanyşdyrylyşy iki aý mundan ozal boldy. Şeýlelikde, taslamanyň durmuşa geçirilmeginde dünýäniň öňdebaryjy kompaniýalary bolan Schneider Electric, Siemens, General Electric, ABB we beýlekiler işjeň gatnaşarlar we desgada öňdebaryjy enjamlar oturdylar, şeýle hem ol kompaniýalar desganyň işe girizilmegini, degişli hünärmenleriň taýýarlanylmagyny berjaý ederler.
Işewür özüniň ýolbaşçylyk edýän kompaniýasyna bildirilen ynam üçin tüýs ýürekden hoşallyk bildirip, öz öňlerinde goýlan wezipäni üstünlikli durmuşa geçirmek we desgany öz wagtynda, ýokary hilli gurmak boýunça ähli tagallalary etjekdiklerine ynandyrdy.
Hormatly Prezidentimiz Gurbanguly Berdimuhamedow we myhman hoşlaşanlarynda birek-birege hoşniýetli arzuwlary aýdyp, uzak möhletleýin, özara peýdaly esasda ýola goýulýan netijeli hyzmatdaşlygyň mundan beýläk-de dowam etdiriljekdigine we türkmen we türk halklarynyň arasyndaky dostluk hem-de birek-birege düşünişmek gatnaşyklarynyň pugtalandyryljakdygyna ynam bildirdiler.