Şu gün futbol boýunça Türkmenistanyň Prezidentiniň Kubogy ugrundaky halkara ýaryşynyň finalçylary kesgitlenildi. Bäsleşigiň baş baýragy ugrunda Türkmenistanyň we Ukrainanyň ýygyndylary bäsleşerler. Biziň toparymyz ýarym finalda täjik futbolçylaryndan 2:0 hasabynda, Ukrainanyň futbolçulary bolsa, Russiýanyň toparyndan oýundan soňky jerime urgulary boýunça 3:0 hasabynda üstün çykdylar.

Şeýlelikde, 29-njy sentýabrda 10:00-da “Aşgabat” sport toplumynda üçünji orun üçin duşuşyk geçiriler. Bu oýunda Russiýanyň we Täjigistanyň ýygyndylary duşuşarlar. 18:00-da bolsa şu sport toplumynyň merkezi stadionynda ilkinji gezek Garaşsyz Döwletleriň Arkalaşygynyň ýygyndy toparlaryny jemlän Türkmenistanyň Prezidentiniň Kubogy ugrundaky 18-nji halkara ýaryşynyň ýeňijisi kesgitleniler.