„Awaza“ Milli syýahatçylyk zolagynda maýyplaryň Merkezi bedenterbiýe-sport klubynyň guramagynda geçirilen küşt we halkara şaşka boýunça görüş boýunça maýyplaryň 5 günlük umumymilli bäsleşigi tamamlandy.

Intellektual bäsleşigi Kärdeşler arkalaşygynyň Milli merkeziniň „Daýanç“ medeni-dynç alyş sagaldyş merkezinde geçirildi. Bäsleşik bu merkeziň we kenar ýakasynda bedenterbiýe hereketini we sportuö ýokary gazananlaryny işjeň goldaýan „Dragon Oýl“ nebit-gaz çykaryjy kompaniýanyň goldamagynda geçirildi.

Kubok ugrundaky göreş her bir topardan iki sany erkek we bir zenanyň gatnaşmagynda – „üç-üç“ bolup toparlaýyn duşuşygyň çäklerinde geçirildi. Küşt tagtalarynda ilkinji döwlerden başlap aşgabatly türgenler öňdeligi eýelediler we netijede bolsa birinji orny eýelemegi başardylar. Balkanly küştçiler ikinji orny eýelediler. Intellektual bäsleşikde Aňal welaýatynyň türgenleri baýrakly üçünji orny eýelemegi başardylar. Halkara şaşka boýunça geçirilen bäsleşikde Lebaply türgenler birinji orny eýelediler. Ýaryş sanawynda baýrakly ikinji we üçünji orny degişlilikde Daşoguz welaýatynyň we Aşgabat şäheriniň toparlary eýelediler.