Türkmen alpinistleriniň Balkanabadyň golaýyndaky Uly Balkana bolan nobatdaky ekspedisiýasynyň çäklerinde gaýa tebigy çykylýan türgenleşik ýerini gurnadylar.

Balkan welaýatynda alpinizm işjeň ösdürilýär, şeýle hem ýerli türgenler Köýtendagyň we Köpetdagyň belentliklerine çykýarlar. Türkmen toparynyň düzüminde çykyş edýän Balkanabatdan Begenç Mämmedow şu tomusda Türkiýedäki Ararat daglaryna çyldy.

Aşgabatdaky „Agama“ alpinistler klubynyň ýerli daga çykyjylar bilen guran köp günlük ekspedisiýasy ýoly (alpagama.org salgylanma) bir ýarym müň metrden hem gowrak belentlikdäki dag tekiziliginden, Ylu Balkanyň etegindäki demirgazyk-günbataryndan gerşiň günorta bölegine çenli dag çeşmeler ulgamyndan geçdi.

Syýahatçylygyň esasy maksady Balkan welaýatynyň merkeziniň golaýyndaky jülgeleriň birine baryp görmek boldy. Bu ýerde amatly uçut gaýada alpinistler tarapyndan tebigy gaýa çykmak boýunça ýer gurnaldy hem-de synag türgenleşigi geçirildi.

Ekspedisiýanyň ýolbaşçysy Dmitriý Kuntaşewiň belleýşi ýaly, bu ýerde iki sany alpinist ýoly taýýarlanyldy. Ony biri ýönekeýräk – daga çykmagy ýaňy öwrenip başlanlar üçin, ikinjisi bolsa, eýýäm bu ugurda tejribesi bolan gaýa çykyjylar üçin çylşyrymly we gyzykly relýefli bar. Gaýa çykmak üçin saýlanyp alynan türgenleşik ýeri oňa gatnaşyjylaryň bu ýere gelmekleri üçin amatly ýagdaýlary, gelejekde bolsa öňde duran bäsleşiklere tomaşa etjek janköýer tomaşaçylaryň bu ýere gelmekleri üçin amatly bolar ýer göz öňünde tutuldy.

Gelejekde bu gaýa çykmak üçin türgenleşik geçirilýän ýer sportyň gaýa çykmak görnüşini ösdürmek üçin ähmiýetli ýer bolar. Şular ýaly çäreleri geçirmek üçin Aşgabadyň golaýyndaky Arçabil jülgesi özüniň öňyn tarapyny görkezdi. Bu ýerde bäsleşikler we gaýa festiwallary yzygiderli geçirilip durulýar.