Türkmenistanyň Prezidenti Gurbanguly Berdimuhamedow Eýran Yslam Respublikasynyň Prezidenti Mahmud Ahmadinežada bu ýurduň Buşer welaýatynda bolup geçen, köp sanly adam pidalaryna hem-de şikes ýetmelerine getiren ýer titremesi zerarly gynanç hatyny iberdi.

Türkmen döwletiniň Baştutany öz hatynda gurban bolanlaryň hem-de ejir çekenleriň ähli dogan-garyndaşlaryna hem-de ýakynlaryna çuňňur gynanjyny we medet beriji sözlerini beýan etdi.