Saýlawlary we sala salşyklary geçirmek baradaky Merkezi toparyň mejlisi geçirildi. Ol Mejlisiň çykyp giden deputatlarynyň, halk maslahatlarynyň we Geňeşleriň çykyp giden agzalarynyň ýerine saýlawlara taýýarlyk görmek meselelerine bagyşlandy. Mejlise Merkezi saýlaw toparynyň agzalary, Merkezi saýlaw toparynyň edarasynyň işgärleri, Merkezi saýlaw toparynyň ýanynda döredilen iş toparlarynyň, jemgyýetçilik guramalarynyň we köpçülikleýin habar beriş serişdeleriniň wekilleri gatnaşdylar.
Gün tertibine öňde boljak jemgyýetçilik-syýasy çäräni geçirmäge degişli birnäçe meseleler girizildi. Hususan-da, Mejlisiň çykyp giden deputatlarynyň, welaýat, etrap we şäher halk maslahatlarynyň we Geňeşleriň çykyp giden agzalarynyň ýerine saýlawlary 2016-njy ýylyň 21-nji awgustynda geçirmek bellenildi.
Ygtyýarlyk möhletiniň tamamlanýandygy sebäpli, saýlaw toparlarynyň düzümine wekilleri hödürlemek boýunça syýasy partiýalaryň, jemgyýetçilik birleşikleriniň, raýatlar toparlarynyň geçiren mejlisleriniň we ýygnaklarynyň netijeleriniň esasynda welaýatlaryň hem-de Aşgabat şäheriniň saýlaw toparlary täzeden döredildi we olaryň düzümi tassyklanyldy. Şol düzüme milli ykdysadyýetimiziň dürli pudaklarynyň, bilim we saglygy goraýyş, ylym we medeniýet ulgamynyň işgärleri girdiler.
Saýlaw toparynyň täze agzalary we synçylar üçin okuw maslahatlary geçiriler. Bu okuwlar oňa gatnaşyjylara Saýlaw kodeksi, öz wezipe borçlary hem-de öňde boljak saýlawlary geçirmegiň tertibi bilen has doly tanyşmaga mümkinçilik berer.
Saýlawlary ýokary guramaçylyk derejesinde taýýarlamagy hem-de geçirmegi üpjün etmäge gönükdirilen çäreleriň senenama meýilnamalaryny ara alyp maslahatlaşyp we tassyklap, mejlise gatnaşyjylar şeýle hem saýlawlaryň öň ýanyndaky wagyz işleriniň yzygiderliligini kesgitlediler.
Çykyp giden parlamentarileriň ýerine Mejlisiň deputatlygyna saýlawlar Aşgabat şäheriniň 5-nji “Parahatçylyk” saýlaw okrugy, 7-nji “Güneş” saýlaw okrugy, Lebap welaýatynyň 74-nji “Zergär” saýlaw okrugy, 81-nji “Amul” saýlaw okrugy, 91-nji “Hojambaz” saýlaw okrugy, Mary welaýatynyň 99-njy “Kemine” saýlaw okrugy, 103-nji “Zarpçy” saýlaw okrugy boýunça geçiriler.
Mejlisiň barşynda Merkezi saýlaw toparynyň agzalarynyň häzirki wagtda möwsüme taýýarlyk görmek boýunça welaýatlarda we Aşgabat şäherinde alnyp barylýan işler barada beren habarlary diňlenildi. Mejlise gatnaşyjylar saýlawlaryň açyklygyny we giň bäsdeşligini üpjün etmegi, şeýle hem ilat arasynda degişli düşündiriş işleriniň geçirilmegini ilkinji derejeli wezipeleriň hatarynda kesgitlediler.
Nygtalyşy ýaly, Berkarar döwletimiziň bagtyýarlyk döwründe hormatly Prezidentimiz Gurbanguly Berdimuhamedowyň başlangyjy boýunça we ýolbaşçylygynda alnyp barylýan giň möçberli özgertmeleriň netijesinde Watanymyzyň ykdysady kuwwaty artýar, döwletiň demokratik ýörelgelerini hem-de hukuk esaslaryny pugtalandyrmak boýunça syýasat üstünlikli durmuşa geçirilýär. Biziň günlerimizde türkmen jemgyýetiniň hemme ulgamlary mähriban Watanymyzyň gülläp ösmegine gönükdirilen özgertmeler bilen gurşalyp alnandyr, halk hojalygynyň pudaklary depginli ösdürilýär, hut şonuň bilen hem halkyň ýaşaýyş derejesiniň we hal-ýagdaýynyň yzygiderli ýokarlanýandygy şertlenendir. Döwlet Baştutanymyzyň kanunçylyk-hukuk binýadyny döwrebaplaşdyrmak boýunça beren tabşyryklaryndan ugur alnyp, Mirasa sarpa goýmak, Watany özgertmek ýylynda milli saýlaw ulgamyny kämilleşdirmek babatda anyk çäreler görülýär.
Merkezi saýlaw toparynyň agzalary öňde boljak jemgyýetçilik-syýasy möwsüminiň Türkmenistany has-da gülledip ösdürmäge gönükdirilen özgertmeleri durmuşa geçirmegiň ygtybarly binýady bolup çykyş edýän demokratik işleri çuňlaşdyrmak ýolunda nobatdaky möhüm ädim boljakdygyna ynam bildirdiler.
Mejlisde aýdylan habarlar nazara alnyp hem-de saýlawlary geçirmek boýunça öňde duran wezipelerden ugur alyp, beýleki guramaçylyk meselelerine-de garaldy we olar boýunça degişli çözgütler kabul edildi.
Gün tertibine öňde boljak jemgyýetçilik-syýasy çäräni geçirmäge degişli birnäçe meseleler girizildi. Hususan-da, Mejlisiň çykyp giden deputatlarynyň, welaýat, etrap we şäher halk maslahatlarynyň we Geňeşleriň çykyp giden agzalarynyň ýerine saýlawlary 2016-njy ýylyň 21-nji awgustynda geçirmek bellenildi.
Ygtyýarlyk möhletiniň tamamlanýandygy sebäpli, saýlaw toparlarynyň düzümine wekilleri hödürlemek boýunça syýasy partiýalaryň, jemgyýetçilik birleşikleriniň, raýatlar toparlarynyň geçiren mejlisleriniň we ýygnaklarynyň netijeleriniň esasynda welaýatlaryň hem-de Aşgabat şäheriniň saýlaw toparlary täzeden döredildi we olaryň düzümi tassyklanyldy. Şol düzüme milli ykdysadyýetimiziň dürli pudaklarynyň, bilim we saglygy goraýyş, ylym we medeniýet ulgamynyň işgärleri girdiler.
Saýlaw toparynyň täze agzalary we synçylar üçin okuw maslahatlary geçiriler. Bu okuwlar oňa gatnaşyjylara Saýlaw kodeksi, öz wezipe borçlary hem-de öňde boljak saýlawlary geçirmegiň tertibi bilen has doly tanyşmaga mümkinçilik berer.
Saýlawlary ýokary guramaçylyk derejesinde taýýarlamagy hem-de geçirmegi üpjün etmäge gönükdirilen çäreleriň senenama meýilnamalaryny ara alyp maslahatlaşyp we tassyklap, mejlise gatnaşyjylar şeýle hem saýlawlaryň öň ýanyndaky wagyz işleriniň yzygiderliligini kesgitlediler.
Çykyp giden parlamentarileriň ýerine Mejlisiň deputatlygyna saýlawlar Aşgabat şäheriniň 5-nji “Parahatçylyk” saýlaw okrugy, 7-nji “Güneş” saýlaw okrugy, Lebap welaýatynyň 74-nji “Zergär” saýlaw okrugy, 81-nji “Amul” saýlaw okrugy, 91-nji “Hojambaz” saýlaw okrugy, Mary welaýatynyň 99-njy “Kemine” saýlaw okrugy, 103-nji “Zarpçy” saýlaw okrugy boýunça geçiriler.
Mejlisiň barşynda Merkezi saýlaw toparynyň agzalarynyň häzirki wagtda möwsüme taýýarlyk görmek boýunça welaýatlarda we Aşgabat şäherinde alnyp barylýan işler barada beren habarlary diňlenildi. Mejlise gatnaşyjylar saýlawlaryň açyklygyny we giň bäsdeşligini üpjün etmegi, şeýle hem ilat arasynda degişli düşündiriş işleriniň geçirilmegini ilkinji derejeli wezipeleriň hatarynda kesgitlediler.
Nygtalyşy ýaly, Berkarar döwletimiziň bagtyýarlyk döwründe hormatly Prezidentimiz Gurbanguly Berdimuhamedowyň başlangyjy boýunça we ýolbaşçylygynda alnyp barylýan giň möçberli özgertmeleriň netijesinde Watanymyzyň ykdysady kuwwaty artýar, döwletiň demokratik ýörelgelerini hem-de hukuk esaslaryny pugtalandyrmak boýunça syýasat üstünlikli durmuşa geçirilýär. Biziň günlerimizde türkmen jemgyýetiniň hemme ulgamlary mähriban Watanymyzyň gülläp ösmegine gönükdirilen özgertmeler bilen gurşalyp alnandyr, halk hojalygynyň pudaklary depginli ösdürilýär, hut şonuň bilen hem halkyň ýaşaýyş derejesiniň we hal-ýagdaýynyň yzygiderli ýokarlanýandygy şertlenendir. Döwlet Baştutanymyzyň kanunçylyk-hukuk binýadyny döwrebaplaşdyrmak boýunça beren tabşyryklaryndan ugur alnyp, Mirasa sarpa goýmak, Watany özgertmek ýylynda milli saýlaw ulgamyny kämilleşdirmek babatda anyk çäreler görülýär.
Merkezi saýlaw toparynyň agzalary öňde boljak jemgyýetçilik-syýasy möwsüminiň Türkmenistany has-da gülledip ösdürmäge gönükdirilen özgertmeleri durmuşa geçirmegiň ygtybarly binýady bolup çykyş edýän demokratik işleri çuňlaşdyrmak ýolunda nobatdaky möhüm ädim boljakdygyna ynam bildirdiler.
Mejlisde aýdylan habarlar nazara alnyp hem-de saýlawlary geçirmek boýunça öňde duran wezipelerden ugur alyp, beýleki guramaçylyk meselelerine-de garaldy we olar boýunça degişli çözgütler kabul edildi.
