Paýtagtymyzyň Olimpiýa şäherjiginde ýapyk binalarda geçirilen ýeňil atletika boýunça halkara synag ýaryşlary tamamlandy, onda türkmen türgenleri jemi 44 medal - 15 altyn, 13 kümüş we 16 bürünç medal gazanyp, toparlaýyn hasapda birinji orna mynasyp boldular. Şunda ildeşlerimiziň artykmaçlygy has äşgär boldy: ikinji orny alan Özbegistanyň ýygyndy topary jemi alty medala eýe boldy, olaryň ikisi altyn medallardyr.
Halkara ýaryşlaryna Eýrandan, Owganystandan, Gazagystandan, Täjigistandan, Özbegistandan we beýleki ýurtlardan 150-ä golaý türgen ýygnandy. Olar ylgamagyň birnäçe görnüşi, şol sanda päsgelçiliklerden geçmek, orta uzaklykdaky aralyklara ylgamak, uzynlygyna bökmek, üçürdikläp bökmek, ýekedaban zyňmak, zenanlaryň arasynda bäş görnüş we ýokarlygyna bökmek boýunça jemi medallaryň 19 toplumy ugrunda bäsleşdiler. Türkmenistanyň ýygyndy toparynyň düzümine ähli welaýatlardan we Aşgabat şäherinden 80-e golaý ýeňil atletikaçy girizildi, olar ýaryşyň ilkinji gününde jemi 23 medal (dokuzusy altyn) gazanyp, ýaryşa oňat taýýarlykly gelendiklerini görkezdiler.
Zenanlaryň arasynda bäş görnüş boýunça Irina Welihanowa has tapawutlandy. Bu bäsleşik 60 metr päsgelçilikli aralyga ylgamak, uzynlygyna we ýokarlygyna bökmek, ýekedaban zyňmak hem-de 800 metr aralyga ylgamak görnüşlerini öz içine alýar. Irina olaryň ählisi boýunça iň ýokary netijeleri görkezip, 3629 utuk toplady we ikinji orny alan bäsdeşi özbegistanly Aleksandra Ýurkewskaýadan 200 utuk tapawutlandy. Biziň ýene bir ildeşimiz Olena Hudaýbergenowa 3138 utuk bilen üçünji orna eýe boldy.
Bu ýeňiş I.Welihanowanyň halkara ýaryşlaryndaky ilkinji üstünligi däldir. Şu ýylyň ýanwar aýynda geçirilen iri halkara ýaryşynda hem ol bäş görnüş boýunça altyn medala eýe boldy. Häzirki wagtda Irina biziň ýurdumyzyň 2017-nji ýylda Aşgabatda geçiriljek Ýapyk binalarda we söweş sungaty boýunça V Aziýa oýunlarynda çykyş etjek milli toparynyň düzümine esasy dalaşgärleriň biri bolup durýar.
Şeýle hem 400 metr aralyga ylgamakda kümüş, 60 metr aralyga ylgamakda bolsa bürünç medala mynasyp bolan Ýekaterina Ýazmyradowanyň we ýekedaban zyňmakda ikinji orny, üçürdikläp bökmekde bolsa üçünji orny eýelän Jennet Muhamowanyň üstünliklerini bellemelidiris.
Welihanowadan başga-da, ýaryşlaryň birinji güni türgenlerimiz Begmyrat Makgaýyw, Perhat Annagylyjow, Guwanç Mättaganow, Walentina Meredowa, Ýulduzaý Kişikowa, Sabina Sultanowa, Gözel Çopanowa we Anna Gurbannyýazowa altyn medallara eýe boldular. Alişir Sadullaýew, Şahrijan Durdyýew, Weronika Şekerendi we Firufa Taşmuratowa kümüş medallary gazanmagy başardylar. Eziz Sähetnyýazow, Lukman Gurbandurdyýew, Ýusup Bozaganow, Meňli Hojagulyýewa we Nasiba Sopyýewa üçünji orunlary eýelediler.
Bäsleşikleriň birinji güni ýaryşlaryň açylyş dabarasynyň ajaýyp şowhunyna beslendi, belli tans toparlary we aýdymçylar çykyş etdiler. Belli türkmen boksçulary, woleýbolçylary, çeper we sport gimnastikasynyň ussatlary, akrobatlar we beýlekiler görkezme çykyşlaryny görkezdiler.
Aziýanyň Ýeňil atletika federasiýasynyň wekili Aýrat Nigmatow hem gutlag çykyşynda köpsanly beýleki hünärmenler ýaly Türkmenistanyň soňky ýyllarda ähli ugurlarda, şol sanda sportda hem belent sepgitlere ýetendigini belledi. Muňa halkara ölçeglerine laýyk gelýän ajaýyp sport desgalarynyň bina edilmegi hem şaýatlyk edýär. Türkmenistanyň hormatly Prezidenti Gurbanguly Berdimuhamedowyň başlangyjy bilen döredilýän Aşgabadyň Olimpiýa şäherjigini naýbaşy sport toplumy diýip atlandyrmak bolar.
Daşary ýurtly hünärmen ýeňil atletika boýunça ýapyk toplumyň hiline baha bermek bilen, onuň dünýäde iň gowy sport desgalarynyň biridigini belledi. Şonuň üçin hem Aziýa Olimpiýa geňeşiniň Ýapyk binalarda we söweş sungaty boýunça V Aziýa oýunlaryny Aşgabatda geçirmek baradaky çözgüdi örän dogry kabul edilen çözgütdir.
Halkara synag ýaryşlarynyň ikinji gününde medallaryň dokuz toplumy boýunça bäsleşikler geçirildi. Türkmenistanlylar 21 medala eýe boldular, olaryň altysy altyn, ýedisi kümüş we sekizisi bürünç medallardyr. Ýaryşyň birinji güni 60 metr aralyga ylgamakda (7,63 sekund) ýeňiş gazanan W.Meredowa uzynlygyna bökmek boýunça 5 metr 32 santimetr netije görkezip, ikinji altyn medaly gazandy. Gözel Çopanowa hem 1500 metr aralyga (5:02,76 minut) we 3000 metr aralyga (10:49,02 minut) geçirilen bäsleşiklerde ýeňiji bolup, altyn medala mynasyp boldy.
Şu gezekki ýaryşlarda Guwanç Mättaganow 60 metr aralyga ylgamakda (6:87 sekunt) birinji, uzynlygyna bökmekde (6,87 metr) ikinji orna eýe boldy.
Şeýle hem şu gün ýurdumyzyň ýygyndy toparynyň düzüminde çykyş eden Tejen Hommadow, Azat Wemmiýew we Güljan Aşyrmyradowa altyn medala eýe bolmagy başardylar. Maksat Mämmedow, Şakirjan Durdyýew, Merdan Nyýazgulyýew, Eziz Sähetnyýazow, Irina Welihanowa, Sabina Sultanowa we Weronika Şekerenda kümüş medallara, Döwran Agaýew, Nazar Annamyradow, Ilaman Ereşow, Nikita Knerik, Begenç Hebbegulyýew, Jemile Döwletowa, Firuza Taşpolatowa, Olena Hudaýbergenowa bolsa bürünç medallara mynasyp boldular.
Ýurdumyzyň Ýeňil atletika federasiýasynyň başlygy, türkmenistanyň at gazanan tälimçisi Hajymyrat Rahmanow türkmen türgenleriniň çykyşy barada aýtmak bilen, ýaryşyň netijelerine örän şatdygyny belledi. Bu ýerde täze milli rekordy goýup, bäş görnüş boýunça Aziýa — 2016 çempionatda özüniň gazanan netijesini 100 utuk töweregi ýokarlandyran I.Welihanowanyň çykyşy aýratyn bellenilmäge mynasypdyr.
Indi türkmen ýeňil atletikaçylary Merkezi Aziýanyň birinjiligine taýýarlanyp başlarlar, ol geljek ýylyň fewral aýynda türkmen paýtagtynyň Olimpiýa şäherjiginiň ýapyk desgasynda geçiriler. Şol ýaryşlaryň netijeleri boýunça Türkmenistanyň ýapyk binalarda we söweş süngaty boýunça V Aziýa oýunlarynda çykyş etjek ýygyndy toparynyň deslapky düzümi kesgitleniler.
Halkara ýaryşlaryna Eýrandan, Owganystandan, Gazagystandan, Täjigistandan, Özbegistandan we beýleki ýurtlardan 150-ä golaý türgen ýygnandy. Olar ylgamagyň birnäçe görnüşi, şol sanda päsgelçiliklerden geçmek, orta uzaklykdaky aralyklara ylgamak, uzynlygyna bökmek, üçürdikläp bökmek, ýekedaban zyňmak, zenanlaryň arasynda bäş görnüş we ýokarlygyna bökmek boýunça jemi medallaryň 19 toplumy ugrunda bäsleşdiler. Türkmenistanyň ýygyndy toparynyň düzümine ähli welaýatlardan we Aşgabat şäherinden 80-e golaý ýeňil atletikaçy girizildi, olar ýaryşyň ilkinji gününde jemi 23 medal (dokuzusy altyn) gazanyp, ýaryşa oňat taýýarlykly gelendiklerini görkezdiler.
Zenanlaryň arasynda bäş görnüş boýunça Irina Welihanowa has tapawutlandy. Bu bäsleşik 60 metr päsgelçilikli aralyga ylgamak, uzynlygyna we ýokarlygyna bökmek, ýekedaban zyňmak hem-de 800 metr aralyga ylgamak görnüşlerini öz içine alýar. Irina olaryň ählisi boýunça iň ýokary netijeleri görkezip, 3629 utuk toplady we ikinji orny alan bäsdeşi özbegistanly Aleksandra Ýurkewskaýadan 200 utuk tapawutlandy. Biziň ýene bir ildeşimiz Olena Hudaýbergenowa 3138 utuk bilen üçünji orna eýe boldy.
Bu ýeňiş I.Welihanowanyň halkara ýaryşlaryndaky ilkinji üstünligi däldir. Şu ýylyň ýanwar aýynda geçirilen iri halkara ýaryşynda hem ol bäş görnüş boýunça altyn medala eýe boldy. Häzirki wagtda Irina biziň ýurdumyzyň 2017-nji ýylda Aşgabatda geçiriljek Ýapyk binalarda we söweş sungaty boýunça V Aziýa oýunlarynda çykyş etjek milli toparynyň düzümine esasy dalaşgärleriň biri bolup durýar.
Şeýle hem 400 metr aralyga ylgamakda kümüş, 60 metr aralyga ylgamakda bolsa bürünç medala mynasyp bolan Ýekaterina Ýazmyradowanyň we ýekedaban zyňmakda ikinji orny, üçürdikläp bökmekde bolsa üçünji orny eýelän Jennet Muhamowanyň üstünliklerini bellemelidiris.
Welihanowadan başga-da, ýaryşlaryň birinji güni türgenlerimiz Begmyrat Makgaýyw, Perhat Annagylyjow, Guwanç Mättaganow, Walentina Meredowa, Ýulduzaý Kişikowa, Sabina Sultanowa, Gözel Çopanowa we Anna Gurbannyýazowa altyn medallara eýe boldular. Alişir Sadullaýew, Şahrijan Durdyýew, Weronika Şekerendi we Firufa Taşmuratowa kümüş medallary gazanmagy başardylar. Eziz Sähetnyýazow, Lukman Gurbandurdyýew, Ýusup Bozaganow, Meňli Hojagulyýewa we Nasiba Sopyýewa üçünji orunlary eýelediler.
Bäsleşikleriň birinji güni ýaryşlaryň açylyş dabarasynyň ajaýyp şowhunyna beslendi, belli tans toparlary we aýdymçylar çykyş etdiler. Belli türkmen boksçulary, woleýbolçylary, çeper we sport gimnastikasynyň ussatlary, akrobatlar we beýlekiler görkezme çykyşlaryny görkezdiler.
Aziýanyň Ýeňil atletika federasiýasynyň wekili Aýrat Nigmatow hem gutlag çykyşynda köpsanly beýleki hünärmenler ýaly Türkmenistanyň soňky ýyllarda ähli ugurlarda, şol sanda sportda hem belent sepgitlere ýetendigini belledi. Muňa halkara ölçeglerine laýyk gelýän ajaýyp sport desgalarynyň bina edilmegi hem şaýatlyk edýär. Türkmenistanyň hormatly Prezidenti Gurbanguly Berdimuhamedowyň başlangyjy bilen döredilýän Aşgabadyň Olimpiýa şäherjigini naýbaşy sport toplumy diýip atlandyrmak bolar.
Daşary ýurtly hünärmen ýeňil atletika boýunça ýapyk toplumyň hiline baha bermek bilen, onuň dünýäde iň gowy sport desgalarynyň biridigini belledi. Şonuň üçin hem Aziýa Olimpiýa geňeşiniň Ýapyk binalarda we söweş sungaty boýunça V Aziýa oýunlaryny Aşgabatda geçirmek baradaky çözgüdi örän dogry kabul edilen çözgütdir.
Halkara synag ýaryşlarynyň ikinji gününde medallaryň dokuz toplumy boýunça bäsleşikler geçirildi. Türkmenistanlylar 21 medala eýe boldular, olaryň altysy altyn, ýedisi kümüş we sekizisi bürünç medallardyr. Ýaryşyň birinji güni 60 metr aralyga ylgamakda (7,63 sekund) ýeňiş gazanan W.Meredowa uzynlygyna bökmek boýunça 5 metr 32 santimetr netije görkezip, ikinji altyn medaly gazandy. Gözel Çopanowa hem 1500 metr aralyga (5:02,76 minut) we 3000 metr aralyga (10:49,02 minut) geçirilen bäsleşiklerde ýeňiji bolup, altyn medala mynasyp boldy.
Şu gezekki ýaryşlarda Guwanç Mättaganow 60 metr aralyga ylgamakda (6:87 sekunt) birinji, uzynlygyna bökmekde (6,87 metr) ikinji orna eýe boldy.
Şeýle hem şu gün ýurdumyzyň ýygyndy toparynyň düzüminde çykyş eden Tejen Hommadow, Azat Wemmiýew we Güljan Aşyrmyradowa altyn medala eýe bolmagy başardylar. Maksat Mämmedow, Şakirjan Durdyýew, Merdan Nyýazgulyýew, Eziz Sähetnyýazow, Irina Welihanowa, Sabina Sultanowa we Weronika Şekerenda kümüş medallara, Döwran Agaýew, Nazar Annamyradow, Ilaman Ereşow, Nikita Knerik, Begenç Hebbegulyýew, Jemile Döwletowa, Firuza Taşpolatowa, Olena Hudaýbergenowa bolsa bürünç medallara mynasyp boldular.
Ýurdumyzyň Ýeňil atletika federasiýasynyň başlygy, türkmenistanyň at gazanan tälimçisi Hajymyrat Rahmanow türkmen türgenleriniň çykyşy barada aýtmak bilen, ýaryşyň netijelerine örän şatdygyny belledi. Bu ýerde täze milli rekordy goýup, bäş görnüş boýunça Aziýa — 2016 çempionatda özüniň gazanan netijesini 100 utuk töweregi ýokarlandyran I.Welihanowanyň çykyşy aýratyn bellenilmäge mynasypdyr.
Indi türkmen ýeňil atletikaçylary Merkezi Aziýanyň birinjiligine taýýarlanyp başlarlar, ol geljek ýylyň fewral aýynda türkmen paýtagtynyň Olimpiýa şäherjiginiň ýapyk desgasynda geçiriler. Şol ýaryşlaryň netijeleri boýunça Türkmenistanyň ýapyk binalarda we söweş süngaty boýunça V Aziýa oýunlarynda çykyş etjek ýygyndy toparynyň deslapky düzümi kesgitleniler.
