Ýurdumyzyň Koreýa Respublikasyndaky Ilçihanasy Türkmenistanda geçirilýän köpçülikleýin sport, bedenterbiýe-sagaldyş we jemgyýetçilik-medeni çäreleriniň bir aýlygyna gabatlap, Seulda sport baýramyny gurnady.

Türkmenistandan, şeýle hem beýleki ýurtlaryň birnäçesinden Koreýa Respublikasynda okaýan talyplar stol üstündäki tennis, küşt we şaşka boýunça bäsleşdiler.

Bäsleşikleriň ýeňijileri gymmatly sowgatlar bilen sylaglandylar, bäsleşiklere gatnaşanlaryň ählisine ýadygärlik sertifikatlary gowşuryldy.