Onuň Alyhezreti,
türkmen halkynyň Milli Lideri,
Türkmenistanyň Halk Maslahatynyň Başlygy
jenap Gurbanguly Berdimuhamedowa
Hormatly Gurbanguly Mälikgulyýewiç!
Iň mähriban hem-de ýakyn ynsan — Siziň käbäňiziň aradan çykmagy zerarly çuňňur gynanjymy we duýgudaşlyk sözlerimi kabul ediň!
Ogulabat Berdimuhamedowa türkmen zenanynyň belent mertebeliliginiň hem-de asyllylygynyň nusgasy hökmünde biziň hakydamyzda hemişelik galar.
Şu agyr pursatda Size, maşgalaňyza we ýakynlaryňyza çuňňur duýgudaşlyk sözlerini beýan edýärin. Goý, käbäňiz hakyndaky ýagty ýatlamalar şu gaýgyly günlerde Size medet bersin!
Aleksandr Lukaşenko,
Belarus Respublikasynyň Prezidenti.
* * *
Onuň Alyhezreti,
türkmen halkynyň Milli Lideri,
Türkmenistanyň Halk Maslahatynyň Başlygy
jenap Gurbanguly Berdimuhamedowa
Hormatly Gurbanguly Mälikgulyýewiç!
Mähriban käbäňiz Ogulabat Berdimuhamedowanyň aradan çykandygy baradaky habary uly gynanç bilen kabul etdik.
Ömrüni türkmen halkyna we maşgalasyna hyzmat etmäge bagyş eden Ogulabat Berdimuhamedowa baradaky nurana ýatlamalaryň hemmeleriň kalbynda ebedilik galjakdygyna berk ynanýaryn.
Şu agyr pursatda gam-gussaňyzy paýlaşmak bilen, hormatly Gurbanguly Mälikgulyýewiç, çuňňur gynanjymy beýan edýärin, Size hem-de Siziň maşgalaňyza sabyr-takat dileýärin!
Waagn Haçaturýan,
Ermenistan Respublikasynyň Prezidenti.
* * *
Onuň Alyhezreti,
türkmen halkynyň Milli Lideri,
Türkmenistanyň Halk Maslahatynyň Başlygy
jenap Gurbanguly Berdimuhamedowa
Siziň Alyhezretiňiz,
Siziň mähriban käbäňiziň aradan çykandygy baradaky habary çuňňur gynanç bilen kabul etdim. Meniň özümiň hem bir ýyl mundan ozal ejem aradan çykdy we munuň nähili agyr yza berýändigini bilýärin.
Siziň käbäňiz ömrüni mynasyp ýaşan zenanyň ajaýyp nusgasydyr. Onuň milli gymmatlyklaryň we ýörelgeleriň goralyp saklanmagyna goşan goşandynyň türkmen halkynyň geljekki nesillerini bu işi dowam etdirmäge ruhlandyrjakdygyna berk ynanýaryn.
Bu agyr pursatda Siz, Siziň maşgalaňyz hem-de Türkmenistanyň halky barada oýlanýandygymy hem-de dileg edýändigimi ynandyrmak isleýärin. Siziň maşgalaňyzyň hem-de dostlaryňyzyň goldaw bermeginde rahatlyk tapmagyňyzy dileg edýärin. Goý, ýagty ýatlamalar Size kuwwat bersin!
Siziň hem-de Siziň perzentleriňiziň bu beýik mirasy mynasyp dowam etdirjekdiklerine ynanýaryn.
Ishak Gersog,
Ysraýyl Döwletiniň Prezidenti.
* * *
Onuň Alyhezreti,
türkmen halkynyň Milli Lideri,
Türkmenistanyň Halk Maslahatynyň Başlygy
jenap Gurbanguly Berdimuhamedowa
Hormatly Gurbanguly Mälikgulyýewiç!
Tatarystan Respublikasynyň Döwlet Geňeşiniň deputatlarynyň, Tatarystanyň Halklaryň assambleýasy Geňeşiniň adyndan hem-de hut öz adymdan Siziň käbäňiz Ogulabat Berdimuhamedowanyň aradan çykmagy zerarly çuňňur gynanjymy beýan edýärin.
Siziň maşgalaňyzyň hem-de tutuş doganlyk türkmen halkynyň başyna düşen gam-gussany paýlaşýarys. Size, ýakynlaryňyza we garyndaşlaryňyza gujur-gaýrat we sabyr-kanagat dileg edýärin.
Farid Muhametşin,
Russiýa Federasiýasynyň Tatarystan Respublikasynyň Döwlet Geňeşiniň Başlygy,
Tatarystanyň Halklaryň assambleýasy Geňeşiniň Başlygy.
