Onuň Alyhezreti,
Türkmen halkynyň Milli Lideri,
Türkmenistanyň Halk Maslahatynyň Başlygy
jenap Gurbanguly Berdimuhamedowa
Gadyrly doganym!
Siziň Alyhezretiňizi Gurban baýramy mynasybetli tüýs ýürekden gutlaýaryn. Bu mübärek baýramyň adamzada parahatçylyk we asudalyk getirmegini arzuw edýärin. Beýik Biribardan Size berk jan saglyk, bagtyýarlyk, doganlyk Türkmenistanyň halkyna bolsa abadançylyk we rowaçlyk dileýärin.
Rejep Taýyp Ärdogan,
Türkiýe Respublikasynyň Prezidenti.
* * *
Onuň Alyhezreti,
Türkmen halkynyň Milli Lideri,
Türkmenistanyň Halk Maslahatynyň Başlygy
jenap Gurbanguly Berdimuhamedowa
Hormatly jenap Başlyk!
Türkmenistana amala aşyran resmi saparymyň dowamynda bildirilen myhmansöýerlik üçin Size hoşallygymy beýan edýärin. Gündogar bilen Günbataryň arasynda köpri bolan ýurduňyza baryp görendigime örän şatdyryn.
Medeni-taryhy köklere eýe bolan ikitaraplaýyn gatnaşyklarymyz bilelikdäki tagallalarymyzyň netijesinde yzygiderli ösüşe eýe bolýar. Wengriýa ikitaraplaýyn we sebitara hyzmatdaşlygymyzy mundan beýläk-de giňeltmäge ygrarlydyr.
Size berk jan saglyk, jogapkärli işiňizde üstünlikleri arzuw edýärin.
Wiktor Orban,
Wengriýanyň Premýer-ministri.
* * *
Onuň Alyhezreti,
Türkmen halkynyň Milli Lideri,
Türkmenistanyň Halk Maslahatynyň Başlygy
jenap Gurbanguly Berdimuhamedowa
Çuňňur hormatlanylýan
Gurbanguly Mälikgulyýewiç!
Tatarystanyň halkynyň adyndan hem-de hut öz adymdan şanly waka — Arkadag şäheriniň dabaraly açylyşy mynasybetli tüýs ýürekden gutlaglarymy kabul etmegiňizi haýyş edýärin.
Arkadag şäheriniň bina edilen ýeriniň logistik nukdaýnazardan saýlanyp alynmagy, ajaýyp künjekde ýerleşmegi we onda iň häzirki zaman tehnologiýalarynyň ulanylmagy, “akylly” şäher konsepsiýasyna laýyklykda gurulmagy, şeýle hem oňa döwlet ähmiýetli şäher diýen aýratyn hukuk derejesiniň berilmegi täze şäheriň okgunly ösüşini üpjün eder. Bu şäheriň gysga wagtyň içinde, Siziň ýurduňyzyň ak mermerli paýtagty Aşgabat ýaly, görenleri haýran galdyrjakdygyna ynanýaryn.
Size belent hormat goýýandygym baradaky ynandyrmalarymy kabul ediň! Size we Siziň ýakynlaryňyza hem-de Türkmenistanyň ähli halkyna tüýs ýürekden iň gowy arzuwlarymy beýan edýärin.
Rustam Minnihanow,
Russiýa Federasiýasynyň Tatarystan Respublikasynyň Baştutany, “Russiýa — yslam dünýäsi” strategik garaýyş toparynyň başlygy.
