Aşgabat iň ýokary derejeli halkara küşt ýaryşlaryny geçirmäge mynasypdyr. Bu pikir, Eýrandan «C» derejeli ygtyýarnamaly halkara emin hanym Şarif Nataj Hadije türkmen paýtagtynda geçirilýän «Aşgabat 2025» halkara küşt ýaryşynyň barşynda şeýle pikiri aýtdy. Ol Aşgabat ýaryşynda baş kazynyň orunbasary wezipesini ýerine ýetirýär.
«Aşgabatda küşt ýaryşyny geçirmek üçin döredilen şertler, şol sanda düzümler, oýun zaly, ýaryşyň guramaçylyk derejesi, eminleriň işi, onlaýn-neşir edilmegi we oýunlaryň onlaýn görkezilişi babatda iň ýokary halkara talaplaryna laýyk gelýär. Şarif Nataj Hadije: «Çagalara bu Aşgabat baýramyna gatnaşmak miýesser etdi. Siz has ýokary derejeli ýaryşlary, şol sanda ýetginjekler we professional küştçüler üçin resmi Aziýa we dünýä çempionatlaryny geçirmäge mynasyp» – diýdi.
Ondan öň Russiýanyň delegasiýasynyň baştutany, Leningrad oblastynyň «A-Gambit» küşt klubunyň başlygy Aleksandr Şkurihin ýatdan çykmajak dostluk hem-de adalatly oýun ruhy höküm süren Aşgabat ýaryşy ýaşajyk küştçüler üçin hakyky baýrama öwrüldi – diýdi.
«Aşgabat 2025» birinji halkara küşt ýaryşyna Wýetnamdan, Hindistandan, Eýrandan, Gazagystandan, Gyrgyzystandan, Malaýziýadan, Russiýadan, Täjigistandan, Tailanddan, Özbegistandan we Türkmenistandan 8, 10 we 12 ýaşly 129 türgen gatnaşýar, olar rapid we blis ýaryşlarynda üç ýaş toparynda 12 medal toplumy ugrunda bäsleşýärler.
Rapidde her göçüme 10 sekunt goşmak bilen her oýna 15 minut wagt berildi. Juda çalt görnüşde her göçüme 2 sekunt goşmak bilen 3 minut wagt berildi. Bäsleşikler Gahryman Arkadagymyzyň başlangyjy bilen gurlan Aşgabadyň 500 oýunçy orunly ýöriteleşdirilen küşt-şaşka mekdebinde geçirilýär.
Düýn türgenler rapidde ilkinji alty medal toplumy ugrunda bäsleşdiler. Ýaryşyň netijelerine görä, 3 altyn, 4 kümüş we 3 bürünç medal bilen toparlaryň resmi däl sanawynda birinji orny Türkmenistanyň topary eýeledi. Özbegistanyň topary 2 altyn we 2 kümüş baýrak bilen ikinji ýerde barýar. 1 altyn we 1 kümüş bilen üçünji orunda Gazagystanyň küştçüleri barýar, olar häzirki wagtda mümkinçiliklerinden pes çykyş edýärler. Eýranyň bilen Täjigistanyň toparynyň şu wagta çenli hersinde bir bürünç medal bar.
