Şu günler ýurdumyzyň Söwda-senagat edarasynda geçirilýän «Agro Pack Turkmenistan – 2026» atly halkara sergisi diňe bir oba hojalyk pudagynda tejribe alyşmak üçin meýdança bolman, eýsem, azyk önümlerini öndürýän dünýäniň öňdebaryjy kompaniýalarynyň özboluşly sergisine öwrüldi. Taýýar önümler we ýarym taýýar önümler hatarynda Russiýanyň «Miratorg» agrosenagat holdinginiň diwarlygy hem täsirli boldy.
Türkmenistanyň hususy telekeçiligi goldamak baradaky döwlet maksatnamasynyň üstünlikli durmuşa geçirilmegi içki bazaryň hil taýdan ösmegini üpjün etdi. Sagdyn bäsdeşlik şertlerinde halkara haryt nyşanlar türkmen sarp edijilerine özleriniň iň oňat täze önümlerini hödürlemäge çalyşýarlar.
«Miratorg» kompaniýasynyň eksport boýunça öňdebaryjy menejeri Natig Mamedow ýurdumyzda sarp ediş medeniýetiniň ýokary derejesini aýratyn belledi.
«Meniň pikirimçe, Türkmenistanda ýarym taýýar önümleriň ajaýyp tekjeleri bar. Ýurduň ýaşaýjylaryna Merkezi Aziýanyň beýleki sebitlerindäki assortimentden has giň bolan önümleriň köpdürli görnüşleri hödürlenilýär» diýip, N.Mamedow nygtady.
Russiýaly işewür holdingiň Türkmenistandaky işiniň iki ugur boýunça ösdürilýändigini mälim etdi.
«Birinjisi – bölek satuw bölümçe bolup, ol ähli öňdebaryjy söwda ulgamlarynda harytlaryň görnüşlerini köpeltmegi öz içine alýar. Häzirki wagtda dükanlaryň tekjelerinde naggetsleriň ähli görnüşleri, şeýle hem täze önümlerimiz bolan blinçikler, börek, doňdurylan gök önümler we miweler bar. Ikinjisi – ýerli şöhlat we ýarym taýýar önümleri öndürijiler üçin ýokary hilli çig mal ibermekden ybaratdyr» diýip, N.Mamedow gürrüň berdi.
Kompaniýanyň wekili eksport portfeli kemala getirilende milli islegleriň nazarda tutulýandygyny aýtdy. Esasan hem, Türkmenistanda däp bolan we uly isleg bildirilýän etiň tagamy has güýçli duýulýan önümlere aýratyn üns berilýär.
«Agro Pack Turkmenistan – 2026» atly sergisine «Miratorg» ýaly bazaryň iri gatnaşyjylaryň gatnaşmagy Türkmenistanyň azyk pudagynyň maýa goýum özüne çekijiligini ýene bir gezek subut edýär we sebitara söwda integrasiýasy üçin täze mümkinçilikleri açýar.
