Geçen hepdede Türkmenistanyň Döwlet haryt-çig mal biržasynda geçirilen söwdalaşyklarda baglaşylan geleşikleriň 33-si hasaba alyndy.

Daşary ýurt walýutasyna Birleşen Arap Emirliklerinden, Daniýadan, Täjigistandan we Wirgin adalaryndan gelen telekeçiler Türkmenbaşydaky nebiti gaýtadan işleýän zawodlar toplumynda öndürilen dürli görnüşdäki ulag benzinlerini, TS-1 görnüşli uçar kerosinini, dizel ýangyjyny, ýakylýan mazut we polipropilen

satyn aldylar. Seýdiniň nebiti gaýtadan işleýän zawodynda öndürilen M-100 görnüşli mazudy we dizel ýangyjyny Owganystandan we Wirgin adalaryndan gelen işewürler satyn aldylar. Bulardan başga-da, Russiýadan, Türkiýeden, Owganystandan, Wirgin adalaryndan gelen alyjylar dürli ölçeglerdäki tekiz boýalan we tüýjümek polotensalary,

pagta süýümini, dowarlaryň we gara mallaryň derilerini satyn aldylar. Geleşikleriň umumy bahasy ABŞ-nyň 220 million 420 müň dollaryndan geçdi.

Depozit manat serişdeleriniň hasabyna dürli ölçeglerdäki tekiz boýalan we tüýjümek polotensalar, dürli dokma önümleri, buýan köküniň ergini,

nah ýüplük we pagta, garaköli ýüňi, pagta saruny satyldy. Olary satyn alan ýurtlar: ABŞ, Russiýa, Beýik Britaniýa, Gonkong (HHR), BAE,

Ukraina, Gyrgyzystan. Geleşikleriň jemi bahasy 4 million 260 müň manada deň boldy.

Içerki bazar üçin ýurdumyzyň telekeçileri bahasy 71 müň 250 manatlyk azyklyk dänäni satyn aldylar.