Geçen hepdede Türkmenistanyň Döwlet haryt-çig mal biržasynda geçirilen söwdalaşyklarda baglaşylan geleşikleriň 22-si hasaba alyndy.

Daşary ýurt walýutasyna Russiýadan, Beýik Britaniýadan, Daniýadan, Gyrgyzystandan, Täjigstandan, Wirgin adalaryndan gelen telekeçiler Türkmenbaşydaky nebiti gaýtadan işleýän zawodlar toplumynda öndürilen A-80 we A-92 kysymly awtomobil benzinini, dizel ýangyjyny, suwuklandyrylan gazy, polipropileni, KT-2 kysymly tehniki kerosiny we KO-20 kysymly yşyklandyryş kerosinini satyn aldylar. Bulardan başga-da, Russiýadan, Beýik Britaniýadan, Türkiýeden, Belgiýadan, Gyrgyzystandan gelen işewürler nah ýüplügi, boýalan tüýjümek önümleri, garaköli goýunlaryň ýuwulan ýüňüni, dokma önümçiliginiň galyndylaryny, buýan köküniň ekstraktyny satyn aldylar. Şertnamalaryň umumy bahasy ABŞ-nyň 86 million 926 müň dollaryndan geçdi.

Depozit manat serişdeleriniň hasabyna garaköli we saryja goýunlaryň ýuwlan ýüňi, dokma önümçiliginiň galyndylary ýerlenildi .Olary satyn alan ýurtlar: Türkiýe, Ukraina, Gyrgyzystan. Geleşikleriň jemi bahasy 1 million 830 müň manatdan gowrak boldy.