2012-2015-nji ýyllarda Balkan welaýatynda 80 sany önümçilik kärhanasynyň gurluşygy, hereket edýän 10 sany kärhananyň täzeden abatlaýyş we tehniki enjamlaşdyryş işleri göz öňünde tutulýar, bu bolsa 7 müň sany iş ornuny üpjün eder.

Bu işler welaýatyň senagatyny ösdürmeklik boýunça kabul edilen maksatnamanyň çäklerinde amala aşyrylýar. Bu işleri amala aşyrmaklykda hususy telekeçilige esasy orun berilýär. Telekeçiligiň öz hususy we daşyndan çekilen serişdeleriniň hasabyna 42 sany desganyň gurluşygy göz öňünde tutulýar. Bu bolsa sebitde müňe golaý iş ornynyň döredilmegine alyp barar.

Kiçi we orta telekeçiligi goldamak boýunça geçirilen welaýat iş toparynda bu taslamalary durmuşa geçirmeklik boýunça çärelere seredildi. Senagatçylar we telekeçiler birleşmesiniň Balkan welaýatynda işewürlik merkeziniň döredilmegi sebitdäki senagatyň ösmegine has öňaýly täsirini ýetirer.

Mämmetanna Halimow. A. Öwezmuhammedowyň fotosuraty