Geçen hepde Türkmenistanyň Döwlet haryt-çig mal biržasynyň söwdalarynda geleşikleriň 33-si hasaba alyndy.

Daşary ýurt walýutasyna Türkiýeden we Britan wirgin adalaryndan gelen telekeçiler Türkmenbaşydaky nebiti gaýtadan işleýän zawodlar toplumynda öndürilen awtobenzini, gidroarassalaýyşdan geçirilen dizel ýangyjyny, nebit koksuny satyn aldylar. Mundan başga-da, tüýjümek matalar, çig ýag kislotalary, nah ýüplük, pagta süýümi, pagta-delint galyndylary, pagta ýüplügi we pagta kipiniň daşlygy ýerleşdirildi. Olary satyn alan ýurtlar: Russiýa, Beýik Britaniýa, Şweýsariýa, Lihtenşteýn, Gonkong, Singapur, Ukraina, Gyrgyzstan, Litwa we Britan wirgin adalarydyr. Geleşikleriň umumy bahasy ABŞ-yň 59 million 77 müň dollaryndan gowrak boldy.

Depozit manat serişdelerine Hytaýdan, Hindistandan, Pakistandan, Beýik Britaniýadan, Şweýsariýadan we Moldowadan gelen telekeçiler jemi 20 million 727 müň manatdan gowrak nah ýüplügi, garaköli dowarlaryň ýüňüni, geýimlik pamygy satyn aldylar.

Içerki bazarda ýerli telekeçiler jemi 1 million 50 müň manatlyk bugdaý satyn aldylar.