Mugap sebtinde şu ýyl gowaça ekişine 165 müň gektar ýer bölünip berildi. Häzirki wagta çenli sürüm işleri ekiş geçiriljek ýerleriň hemmesinde diýen ýaly tamamlandy. Ýerleri ekişe taýýarlamakda gündelik işler dowam etdirilýär, toprak mineral we organiki dökünler bilen gurplandyrylýar.

Welaýatyň «Maryobahyzmat» açyk görnüşli paýdarlar jemgyýeti daýhanlary ýeňilleşdirilen şertlerde ýokary öndürijilikli tehnikalar bilen üpjün edýär.

Güýzlük bugdaýlara hyzmat etmek işleri hem gowaça ekişi bilen utgaşykly alnyp barylaýar. Hünärmenleriň baha bermegine görä, welaýatyň bugdaý ekilen meýdanlarynyň ähli ýerinde gyradeň gögeriş alynyp, bu günki gün ekinler doly boý alýarlar.