Geçen hepdede Türkmenistanyň Döwlet haryt-çig mal biržasynda geleşikleriň 53-si hasaba alyndy.

Daşary ýurt puluna Owganystandan, Kiprden, Täjigistandan we Wirgin adalaryndan gelen telekeçiler Türkmenbaşydaky nebiti gaýtadan işleýän zawodlar toplumynda öndürilen awtomobil benzinini, suwuklandyrylan gazy we uçar kerosinini satyn aldylar. “Türkmengaz” döwlet konserniniň kärhanalarynda öndürilen suwuklandyrylan gaz Owganystandan gelen işewürleriň geleşiklerinde satyn alnan önüm boldy. Mundan başga-da, daşary ýurt puluna nah ýüplük, garaköli goýnuň ýuwlan ýüňi, gara mallaryň we dowarlaryň derileri, pagta süýümi, daraklanyp arassalanan ýüň ýerlenildi. Satyn alan ýurtlar: Russiýa, Beýik Britaniýa, Şweýsariýa, Türkiýe, Owganystan, Belgiýa, Wirgin adalary. Geleşikleriň umumy bahasy ABŞ-nyň 63 million 681 müň dollaryndan gowrak boldy.

Depozit manat serişdelerine ABŞ-nyň, Russiýanyň, Beýik Britaniýanyň, Birleşen Arap Emirlikleriniň, Şotlandiýanyň, Türkiýäniň, Pakistanyň, Hindistanyň, Gyrgyzystanyň we Ukrainanyň işewür toparlarynyň wekilleri dürli ölçegdäki tekiz boýalan we žakkard, tüýjümek polotensalary, arassalanan pagta ýagyny, matalary we nah ýüplükleri, aşgarlanmadyk matany, gaýtadan işlenilen süýümi pagta şrotyny we künjarasyny satyn aldylar. Geleşikleriň jemi bahasy 23 million 115 müň manatdan gowrak boldy.

Ýurdumyzyň telekeçileri içerki bazar üçin bugdaý, şeýle hem awtoulag we gurluşyk tehnikasyny satyn aldylar. Geleşikleriň umumy bahasy 192 müň 275 manada deň boldy.