Geçen hepdede Döwlet haryt-çig mal birjžasynda 31 sany geleşik hasaba alyndy.

Russiýanyň, Owganystanyň we Gyrgyzystanyň telekeçileri daşary ýurt walýutasyna Türkmenbaşydaky nebiti gaýtadan işleýän zawodlar toplumynda öndürilýän A-80 kysymly awtobenzini, tehniki kükürdi, polipropileni satyn aldylar. Daniýanyň täjirleri Seýdiniň nebiti gaýtadan işleýän zawodynda öndürilýän dizel ýangyjyny satyn aldylar, Russiýanyň satyn alyjylary bolsa “Türkmenhimiýa” döwlet konsernine degişi “A” tehniki kysymly ýody edindiler. Galyberse-de, daşary walýutasyna nah ýüplük, gara mallaryň we dowarlaryň derileri, pagta süýümi, garaköli goýnuň ýüňi, dowarlaryň iç goşlary satyldy. Bulary Beýik Britaniýadan, Şweýsariýadan, Russiýadan, Türkiýeden, Owganystandan, Belarysdan we Gruziýadan gelen telekeçiler satyn aldylar. Geleşikleriň umumy bahasy ABŞ-nyň 53 million 988 müň dollaryndan geçdi.

Hytaýyň, Russiýanyň, Türkiýäniň, Eýranyň, Gyrgyzystanyň we Azerbaýjanyň işewürler toparlarynyň wekilleri depozit manat serişdelerine dürli ölçegde tekizligine reňklenen, žakkard görnüşli tüýjümek polotensalary, dürli görnüşdäki süýji önümleri (karameli), arassalanan pagta ýagyny, reňklenen trikotaž matany, pagta süýümini satyn aldylar. Geleşikleriň umumy bahasy 8 million 172 müň manatdan gowrak boldy.

Ýurdumyzyň telekeçileri içekri bazar üçin niýetläp, jemi 313 müň 500 manatlyk azyklyk bugdaýy satyn aldylar.