Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 51-si hasaba alyndy.

Daşary ýurt puluna Russiýadan, Beýik Britaniýadan, Birleşen Arap Emirliklerinden, Owganystandan, Täjigistandan, Yrakdan we Wirgin adalaryndan gelen telekeçiler Türkmenbaşydaky nebiti gaýtadan işleýän zawodlar toplumynda öndürilen dürli kysymdaky awtobenzini, uçar kerosinini, polipropileni, dizel ýangyjyny satyn aldylar. “A” kysymly tehniki ýod (“Türkmenhimiýa” döwlet konserni) eýranly alyjylaryň saýlan harydy boldy. Mundan başga-da daşary ýurt puluna tekiz boýalan tüýjümek önümler, nah ýüplük, pagta süýümi, ýagly çig kislotalar, ulýuk ýerlenildi. Satyn alan ýurtlar: Şweýsariýa, BAE, Koreýa Respublikasy, Türkiýe, Ukraina, Wirgin adalary. Geleşikleriň umumy bahasy ABŞ-nyň 72 million dollaryndan gowrak boldy.

Depozit manat serişdelerine Russiýanyň, ABŞ-niň, Beýik Britaniýanyň, Awstriýanyň, BAE-niň, Türkiýäniň, Pakistanyň, Hindistanyň, Ukrainanyň, Azerbaýjanyň, Gyrgyzystanyň, Gruziýanyň işewür toparlarynyň wekilleri dokma önümleriniň köp görnüşlerini, konditer önümlerini (köke-süýjiler), nah ýüplügi we matalary, arassalanan pagta ýagyny, garaköli baganalary we saryja goýnuň ýüňüni, gaýtadan işlenen süýümi satyn aldylar. Geleşikleriň jemi bahasy 24 million 240 müň manada deň boldy.

Ýurdumyzyň telekeçileri içerki bazar üçin 1 million 850 müň manatlyk azyklyk bugdaýy satyn aldylar.