“Türkmenistanyň Prezidentiniň ýurdumyzy 2012-2016-njy ýyllarda durmuş-ykdysady taýdan ösdürmegiň Maksatnamasyna” we Lebap welaýatynyň senagat pudagyny ösdürmegiň esasy maksatnamasyna laýyklykda dokma senagatynyň öňünde goýlan wezipeleri üstünlikli ýerine ýetirmek maksady bilen, Seýdi şäherinde täze, häzirki zaman pagta egriji fabrigiň gurluşygy başlandy.
Özüniň tehniki we tehnologik üpjünçiligi, awtomatlaşdyryş ulgamy babatda täze fabrik welaýatyň çäginde dokma pudagynyň iň häzirki zaman kärhanalarynyň biri bolar. Türkmenistanyň Prezidenti Gurbanguly Berdimuhamedowyň başlangyjy boýunça işlenip taýýarlanylan bu nobatdaky möhüm desganyň taslamasyna laýyklykda, kärhananyň önümçilik kuwwatlyklary dokma ulgamynda dünýäniň ylmy-tehniki gazananlarynyň iň gowy nusgalaryny özünde jemlemelidir, onda iň häzirki zaman enjamlary, tehnologiýalary, inženerçilik işläp taýýarlamalary ornaşdyrylmalydyr. Galyberse-de, esasy tehnologik işler häzirki zaman kompýuter ulgamy arkaly dolandyrylar.
Fabrik ykjam kärhana görnüşinde bolar. Bäş gektara golaý meýdanda esasy önümçilik binasy, käbir sehler we kömekçi jaýlar, ammarlar ýerleşer. Inženerçilik desgalary, özbaşdak ýaşaýyş-durmuş üpjünçiligi ulgamy, şol sanda suw, energiýa, ýylylyk we gaz üpjünçilik desgalary gurlar.
Häzirki zaman enjamlary, önümçiligiň ýokary derejede awtomatlaşdyrylmagy ýurdumyzyň dokma senagatynyň eksport kuwwatyny has-da artdyrmaga mümkinçilik berer, çünki fabrigiň önümleriniň esasy bölegini dünýä bazarlaryna ibermek meýilleşdirilýär. Taslamada göz öňünde tutulan kuwwatlylygyna ýetenden soň, kärhanada her ýylda nah ýüplügiň 6 müň tonnasy çykarylar.
Önümçilikde işgärler üçin oňaýly durmuş şertleri dörediler, bu ýerde howany bir durkunda saklamagyň merkezleşdirilen ulgamy bolar. Daşky gurşawy goramak çärelerine aýratyn üns berler, esasan hem ekologiýa taýdan howpsuz inženerçilik çözgütleri, degişli öňdebaryjy tehnologiýalar ulanylar. Munuň özi tebigaty goramak çäreleriniň netijeli bolmagyny hem-de önümçilik galyndylarynyň azaldylmagyny üpjün eder.
Welaýatyň dokma pudagynyň bu täze desgasyny gurmak bilen birlikde, Türkmenabat şäherinde öňden hereket edýän, önümçilik kuwwaty ýylda 4 müň tonna nah ýüplüge barabar bolan pagta egriji fabriginiň durkuny düýpli täzelemek we ony häzirki zaman enjamlary bilen enjamlaşdyrmak göz öňünde tutulýar.
Seýdi şäherinde täze pagta egriji kärhananyň ulanylmaga berilmegi bilen we Türkmenabatdaky fabrigiň durky täzelenenden soň, täze iş orunlarynyň ýüzlerçesi peýda bolar. Hünärmenleri taýýarlamak, şeýle hem bu önümçiliklerde onaşdyryljak enjamlary ätiýaçlyk şaýlary bilen iki ýylyň dowamynda üpjün etmek şol senagat desgalaryny gurmak we durkuny täzelemek işleri ynanylan daşary ýurt kompaniýasynyň serişdeleriniň hasabyna amala aşyrylar.
Seýdidäki täze kärhananyň we Türkmenabatdaky durky täzelenen fabrigiň işe girizilmegi Lebap welaýatynyň dokma pudagynyň önümçilik kuwwatyny has-da artdyrar. Häzirki wagtda bu welaýatyň çäginde eýýäm şeýle kärhanalaryň birnäçesi hereket edýär. Olaryň arasynda 2009-njy ýylyň oktýabrynda Türkmenistanyň Prezidenti Gurbanguly Berdimuhamedowyň ak pata bermeginde açylan Türkmenabatdaky pagta egriji fabrik hem bar. Türkmenistandaky iň uly kärhanalaryň biri bolan bu pagta egriji fabrigiň kuwwaty ýylda 17,7 müň tonna nah ýüplüge barabardyr.
Çig maly gaýtadan işlemek boýunça kuwwatlyklary artdyrmak babatda biziň ýurdumyzyň işjeň alyp barýan ugry barada aýdylanda bolsa, ýakynda Ahal welaýatynyň Abadan şäherinde Türkmenistanyň Prezidenti Gurbanguly Berdimuhamedowyň we ýurdumyzda resmi sapar bilen bolan Täjigistanyň Prezidenti Emomaly Rahmonyň gatnaşmagynda pagta egriji fabrigiň ikinji nobatdakysynyň ulanylmaga berlendigini ýatlatmalydyrys. Bu täze, iň häzirki zaman toplumy şol iri kärhananyň we tutuş ýurdumyzyň dokma senagatynyň önümçilik düzüminiň üstüni ýetirdi.
Iň häzirki zaman enjamlar we öňdebaryjy tehnologiýalar bilen üpjün edilen bu täze iri önümçiligiň işe girizilmegi ýurdumyzyň dokma senagatynyň düzümini mundan beýläk-de yzygiderli ösdürmäge, onuň eksport kuwwatyny artdyrmaga ýardam berer.
Biziň ýurdumyzda örän uly geljegi bolan dokma senagatyny ösdürmek Türkmenistanyň Prezidenti Gurbanguly Berdimuhamedowyň üstünlikli durmuşa geçirýän milli ykdysady strategiýasyny amala aşyrmagyň ileri tutulýan ugurlarynyň biridir.
Milletiň Lideri pudagy döwrebaplaşdyrmak, onuň maddy-enjamlaýyn we çig mal binýadyny pugtalandyrmak meselelerine uly ähmiýet berip, Türkmenistanyň Dokma senagaty ministrliginiň öňünde alyjylaryň isleglerinden we dünýä bazaryndaky ýagdaýdan ugur alýan hem-de berkarar döwletimiziň bagtyýarlyk döwründe ýurdumyzyň ykdysady kuwwatyny artdyrmaga we halkymyzyň abadançylygyny ýokarlandyrmaga ýardam etjek ýokary hilli dokma önümleriniň görnüşlerini we möçberlerini artdyrmak boýunça anyk wezipeleri goýdy.
Özüniň tehniki we tehnologik üpjünçiligi, awtomatlaşdyryş ulgamy babatda täze fabrik welaýatyň çäginde dokma pudagynyň iň häzirki zaman kärhanalarynyň biri bolar. Türkmenistanyň Prezidenti Gurbanguly Berdimuhamedowyň başlangyjy boýunça işlenip taýýarlanylan bu nobatdaky möhüm desganyň taslamasyna laýyklykda, kärhananyň önümçilik kuwwatlyklary dokma ulgamynda dünýäniň ylmy-tehniki gazananlarynyň iň gowy nusgalaryny özünde jemlemelidir, onda iň häzirki zaman enjamlary, tehnologiýalary, inženerçilik işläp taýýarlamalary ornaşdyrylmalydyr. Galyberse-de, esasy tehnologik işler häzirki zaman kompýuter ulgamy arkaly dolandyrylar.
Fabrik ykjam kärhana görnüşinde bolar. Bäş gektara golaý meýdanda esasy önümçilik binasy, käbir sehler we kömekçi jaýlar, ammarlar ýerleşer. Inženerçilik desgalary, özbaşdak ýaşaýyş-durmuş üpjünçiligi ulgamy, şol sanda suw, energiýa, ýylylyk we gaz üpjünçilik desgalary gurlar.
Häzirki zaman enjamlary, önümçiligiň ýokary derejede awtomatlaşdyrylmagy ýurdumyzyň dokma senagatynyň eksport kuwwatyny has-da artdyrmaga mümkinçilik berer, çünki fabrigiň önümleriniň esasy bölegini dünýä bazarlaryna ibermek meýilleşdirilýär. Taslamada göz öňünde tutulan kuwwatlylygyna ýetenden soň, kärhanada her ýylda nah ýüplügiň 6 müň tonnasy çykarylar.
Önümçilikde işgärler üçin oňaýly durmuş şertleri dörediler, bu ýerde howany bir durkunda saklamagyň merkezleşdirilen ulgamy bolar. Daşky gurşawy goramak çärelerine aýratyn üns berler, esasan hem ekologiýa taýdan howpsuz inženerçilik çözgütleri, degişli öňdebaryjy tehnologiýalar ulanylar. Munuň özi tebigaty goramak çäreleriniň netijeli bolmagyny hem-de önümçilik galyndylarynyň azaldylmagyny üpjün eder.
Welaýatyň dokma pudagynyň bu täze desgasyny gurmak bilen birlikde, Türkmenabat şäherinde öňden hereket edýän, önümçilik kuwwaty ýylda 4 müň tonna nah ýüplüge barabar bolan pagta egriji fabriginiň durkuny düýpli täzelemek we ony häzirki zaman enjamlary bilen enjamlaşdyrmak göz öňünde tutulýar.
Seýdi şäherinde täze pagta egriji kärhananyň ulanylmaga berilmegi bilen we Türkmenabatdaky fabrigiň durky täzelenenden soň, täze iş orunlarynyň ýüzlerçesi peýda bolar. Hünärmenleri taýýarlamak, şeýle hem bu önümçiliklerde onaşdyryljak enjamlary ätiýaçlyk şaýlary bilen iki ýylyň dowamynda üpjün etmek şol senagat desgalaryny gurmak we durkuny täzelemek işleri ynanylan daşary ýurt kompaniýasynyň serişdeleriniň hasabyna amala aşyrylar.
Seýdidäki täze kärhananyň we Türkmenabatdaky durky täzelenen fabrigiň işe girizilmegi Lebap welaýatynyň dokma pudagynyň önümçilik kuwwatyny has-da artdyrar. Häzirki wagtda bu welaýatyň çäginde eýýäm şeýle kärhanalaryň birnäçesi hereket edýär. Olaryň arasynda 2009-njy ýylyň oktýabrynda Türkmenistanyň Prezidenti Gurbanguly Berdimuhamedowyň ak pata bermeginde açylan Türkmenabatdaky pagta egriji fabrik hem bar. Türkmenistandaky iň uly kärhanalaryň biri bolan bu pagta egriji fabrigiň kuwwaty ýylda 17,7 müň tonna nah ýüplüge barabardyr.
Çig maly gaýtadan işlemek boýunça kuwwatlyklary artdyrmak babatda biziň ýurdumyzyň işjeň alyp barýan ugry barada aýdylanda bolsa, ýakynda Ahal welaýatynyň Abadan şäherinde Türkmenistanyň Prezidenti Gurbanguly Berdimuhamedowyň we ýurdumyzda resmi sapar bilen bolan Täjigistanyň Prezidenti Emomaly Rahmonyň gatnaşmagynda pagta egriji fabrigiň ikinji nobatdakysynyň ulanylmaga berlendigini ýatlatmalydyrys. Bu täze, iň häzirki zaman toplumy şol iri kärhananyň we tutuş ýurdumyzyň dokma senagatynyň önümçilik düzüminiň üstüni ýetirdi.
Iň häzirki zaman enjamlar we öňdebaryjy tehnologiýalar bilen üpjün edilen bu täze iri önümçiligiň işe girizilmegi ýurdumyzyň dokma senagatynyň düzümini mundan beýläk-de yzygiderli ösdürmäge, onuň eksport kuwwatyny artdyrmaga ýardam berer.
Biziň ýurdumyzda örän uly geljegi bolan dokma senagatyny ösdürmek Türkmenistanyň Prezidenti Gurbanguly Berdimuhamedowyň üstünlikli durmuşa geçirýän milli ykdysady strategiýasyny amala aşyrmagyň ileri tutulýan ugurlarynyň biridir.
Milletiň Lideri pudagy döwrebaplaşdyrmak, onuň maddy-enjamlaýyn we çig mal binýadyny pugtalandyrmak meselelerine uly ähmiýet berip, Türkmenistanyň Dokma senagaty ministrliginiň öňünde alyjylaryň isleglerinden we dünýä bazaryndaky ýagdaýdan ugur alýan hem-de berkarar döwletimiziň bagtyýarlyk döwründe ýurdumyzyň ykdysady kuwwatyny artdyrmaga we halkymyzyň abadançylygyny ýokarlandyrmaga ýardam etjek ýokary hilli dokma önümleriniň görnüşlerini we möçberlerini artdyrmak boýunça anyk wezipeleri goýdy.
