Geçen hepdede Türkmenistanyň Döwlet haryt-çig mal biržasynyň söwdalaşyklarynda geleşikleriň 40-sy bellige alyndy. Daşary ýurt walýutasyna Russiýadan we Birleşen Arap Emirliklerinden gelen telekeçiler “Türkmenhimiýa” döwlet kärhanasynyň “A” görnüşli tehniki ýoduny satyn aldylar. Mundan başga-da, dürli ölçegdäki tekiz reňklnen we tüýjümek polotensalary, nah ýüplükleri, saryja we garaköli dowarlarynyň ýuwulan ýüňleri, pagta süýümi, süýüm übtükleri, çig ýag kislotalary satyldy. Ony satyn alan ýurtlar Beýik Britaniýa, Russiýa, Şweýsariýa, Türkiýe, BAE, Eýran, Koreýa Respublikasy, Singapur we Birgin adalarydyr. Geleşikleriň umumy bahasy ABŞ-nyň 11 million 286 müň dollaryndan gowrak boldy.

Depozit manat serişdelerine Beýik Britaniýanyň, BAE-niň, Türkiýäniň, Slowakiýanyň we Gyrgyzystanyň işewür toparldarynyň wekilleri çaga geýimlerini, nah matalary we ýüplükleri, pagta süýümini, dokma galyndylaryny we beýleki harytlary satyn aldylar. Onuň umumy bahasy 5 million 946 müň manatdan gowrak boldy.

Içerki bazarda ýurdumyzyň telekeçileri azyklyk bugdaýy, şeýle hem dokma önümçiliginiň galyndylaryny satyn aldylar. Satylan harytlaryň umumy mukdary 241 müň manatdan gowrak boldy.