Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 44-si hasaba alyndy.

Daşary ýurt puluna Owganystandan gelen telekeçiler Türkmenbaşydaky nebiti gaýtadan işleýän zawodlar toplumynda öndürilen A-80 kysymly awtomobil benzinini satyn aldylar. Mundan başga-da, daşary ýurt puluna penjireleri we gapylary öndürmäge niýetlenen dürli abzallar, tekiz boýalan tüýjümek önümler, tüýjümek matalar, nah ýüplükler we biz, pagta süýümi, gara mallaryň we dowarlaryň derileri, çig ýagly kislotalar, ulýuk ýerlenildi. Satyn alan ýurtlar: Russiýa, Beýik Britaniýa, Şweýsariýa, Lihtenşteýn, BAE, Singapur. Türkiýe, Ukranina, Owganystan, Wirgin adalary. Geleşikleriň umumy bahasy ABŞ-nyň 54 million dollaryndan gowrak boldy.

Depozit manat serişdelerine Hytaýyň, Beýik Britaniýanyň, Şweýsariýanyň, Türkiýäniň, Hindistanyň, Owganystanyň we Gyrgyzystanyň işewür toparlarynyň wekilleri arassalanan pagta ýagyny, nah ýüplükleri we matalary, tüýjümek matany, dokma önümçiliginiň galyndylaryny satyn aldylar.

Geleşikleriň jemi bahasy 8 million manada golaý boldy.

Içerki bazar üçin ýurdumyzyň telekeçileri bahasy 300 müň manatdan gowrak bolan azyklyk bugdaýy satyn aldylar.