Şu günler Belarus Respublikasynyň Premýer-ministriniň orunbasary A.N.Kalininiň ýolbaşçylygynda biziň ýurdumyzda bolýan wekiliýeti saparyň çäklerinde Lebap welaýatyna baryp gördi we ol ýerde Garlyk şäherçesindäki kaliý dökünleriniň önümçiligi boýunça dag-magdanlaryny baýlaşdyryjy toplumyň gurluşygy bilen tanyşdy.
Mälim bolşy ýaly, bu iri senagat desgasyny gurmak boýunça taslamany durmuşa geçirmek Belarus hyzmatdaşlary bilen bilelikde alnyp barylýar we ol Lebap welaýatynyň Köýtendag etrabynda ýerleşen tebigy kaliý duzlarynyň Garlykdaky ýatagyny toplumlaýyn özleşdirmegi ugur edinýär.
Soňky ýyllarda ýola goýulýan işjeň döwletara gatnaşyklaryny çuňlaşdyrmagy we giňeltmegi ugur edinýän ýurdumyz Belarus Respublikasy bilen hyzmatdaşlyga aýratyn ähmiýet bermek bilen, özara gyzyklanma bildirilýän ugurlar boýunça ikitaraplaýyn gatnaşyklary ýola goýmaga meýillidir. 2009-njy ýylda Prezidentler Gurbanguly Berdimuhamedow bilen Aleksandr Lukaşenkonyň gatnaşmagynda badalga berlen kaliý dökünleriniň önümçiligi boýunça dag-magdanlary baýlaşdyryjy toplumynyň gurluşygy babatdaky iri möçberli taslama işewür hyzmatdaşlygy ýola goýmakda täzeçil çemeleşmeleriň durmuşa geçirilýändiginiň aýdyň subutnamasydyr.
Bu ýerde bolmagyň barşynda myhmanlar desgada alnyp barylýan işler, şeýle hem ýokary döwlet derejesinde ozal gazanylan ylalaşyklaryň ýerine ýetirilişi bilen tanyşdyryldy. Belarus Respublikasynyň wekilçilikli toparynyň agzalary şunuň ýaly möhüm strategik meseleler boýunça biziň ýurdumyz bilen ýola goýulýan hyzmatdaşlyga aýratyn jogapkärçilik bilen seredilýändigini we onuň iki dostlukly ýurduň arasyndaky netijeli hyzmatdaşlygy mundan beýläk-de ösdürmek üçin möhüm ähmiýetiniň bardygyny bellediler.
Türkmen-belarus işjeň hyzmatdaşlygyny ösdürmegiň geljekki meýilnamalaryna degip geçmek bilen, duşuşyga gatnaşyjylar ikitaraplaýyn gatnaşyklary iki dostlukly ýurtlaryň halklarynyň abadançylygynyň bähbidine ösdürmekde bar bolan mümkinçilikleri netijeli peýdalanmaga bolan meýillerini mälim etdiler.
Mälim bolşy ýaly, bu iri senagat desgasyny gurmak boýunça taslamany durmuşa geçirmek Belarus hyzmatdaşlary bilen bilelikde alnyp barylýar we ol Lebap welaýatynyň Köýtendag etrabynda ýerleşen tebigy kaliý duzlarynyň Garlykdaky ýatagyny toplumlaýyn özleşdirmegi ugur edinýär.
Soňky ýyllarda ýola goýulýan işjeň döwletara gatnaşyklaryny çuňlaşdyrmagy we giňeltmegi ugur edinýän ýurdumyz Belarus Respublikasy bilen hyzmatdaşlyga aýratyn ähmiýet bermek bilen, özara gyzyklanma bildirilýän ugurlar boýunça ikitaraplaýyn gatnaşyklary ýola goýmaga meýillidir. 2009-njy ýylda Prezidentler Gurbanguly Berdimuhamedow bilen Aleksandr Lukaşenkonyň gatnaşmagynda badalga berlen kaliý dökünleriniň önümçiligi boýunça dag-magdanlary baýlaşdyryjy toplumynyň gurluşygy babatdaky iri möçberli taslama işewür hyzmatdaşlygy ýola goýmakda täzeçil çemeleşmeleriň durmuşa geçirilýändiginiň aýdyň subutnamasydyr.
Bu ýerde bolmagyň barşynda myhmanlar desgada alnyp barylýan işler, şeýle hem ýokary döwlet derejesinde ozal gazanylan ylalaşyklaryň ýerine ýetirilişi bilen tanyşdyryldy. Belarus Respublikasynyň wekilçilikli toparynyň agzalary şunuň ýaly möhüm strategik meseleler boýunça biziň ýurdumyz bilen ýola goýulýan hyzmatdaşlyga aýratyn jogapkärçilik bilen seredilýändigini we onuň iki dostlukly ýurduň arasyndaky netijeli hyzmatdaşlygy mundan beýläk-de ösdürmek üçin möhüm ähmiýetiniň bardygyny bellediler.
Türkmen-belarus işjeň hyzmatdaşlygyny ösdürmegiň geljekki meýilnamalaryna degip geçmek bilen, duşuşyga gatnaşyjylar ikitaraplaýyn gatnaşyklary iki dostlukly ýurtlaryň halklarynyň abadançylygynyň bähbidine ösdürmekde bar bolan mümkinçilikleri netijeli peýdalanmaga bolan meýillerini mälim etdiler.
