Geçen hepdede Türkmenistanyň Döwlet haryt-çig mal biržasynyň söwdalaşyklarynda geleşikleriň 19-sy hasaba alyndy.

Daşary ýurt puluna Birleşen Arap Emirliklerinden gelen telekeçiler degişlilikde Türkmenbaşydaky nebiti gaýtadan işleýän zawodlar toplumynda öndürilen polipropileni we Seýdiniň nebiti gaýtadan işleýän zawodynda göni işlenen benzini satyn aldylar. Mundan başga hem daşary ýurt puluna tekiz boýalan tüýjümek önümler, azyklyk bugdaý, pagta süýümi, gara mallaryň we dowarlaryň derileri, ulýuk, pagta übtükleri ýerlenildi. Olary satyn alan ýurtlar: Russiýa, Hytaý, Beýik Britaniýa, Türkiýe, Azerbaýjan, Owganystan. Geleşikleriň umumy bahasy 27 million amerikan dollaryna barabar boldy.

Depozit manat serişdelerine Russiýanyň, ABŞ-nyň, Beýik Britaniýanyň, Türkiýäniň, Gyrgyzystanyň işewür toparlarynyň wekilleri pagta ýagyny, garaköli we saryja goýunlarynyň ýüňüni, nah ýüplügi hem-de pamygy satyn aldylar. Geleşikleriň umumy bahasy 7 million manatdan gowrak boldy.