Türkmenistanyň Döwlet haryt-çig mal biržasynda geçen hepdede geleşikleriň 40-sy hasaba alyndy.

Daşary ýurt walýutasyna Beýik Britaniýadan, Malaýziýadan, Owganystandan we Wirgin adalaryndan gelen telekeçiler Türkmenbaşydaky nebiti gaýtadan işleýän zawodlar toplumynda öndürilen uçar kerosinini we KO-20 görnüşi kerosini, dizel ýangyjyny, suwuklandyrylan gazy, awtoulag benzinini, binýatlyk ýagy, nebit koksuny satyn aldydar. Kiprden gelen täjirler Seýdiniň nebiti gaýtadan işleýän zawodynda öndürilen dizel ýangyjyny satyn aldylar. Mundan başga-da, daşary ýurt walýutasyna dürli ölçegdäki tekiz reňklenen we tüýjümek polotensalar, ýorgan-düşek toplumy, nah ýüplükleri, pagta süýümi, azyklyk bugdaý satyldy. Olary Russiýadan, Hytaýdan, Şweýsariýadan, Polşadan, Ukrainadan, Azerbaýjandan, Owganystandan we Wirgin adalaryndan gelen telekeçiler satyn aldylar. Geleşikleriň umumy mukdary ABŞ-nyň 197 million dollaryndan gowrak boldy.

Depozit manat serişdelerine Hytaýyň , Beýik Britaniýanyň, Türkiýäniň, Hindistanyň, Pakistanyň, Gonkongyň, Slowakiýanyň, Ukrainanyň, Gyrgyzystanyň işewür toparlarynyň wekilleri dürli görnüşdäki dokma önümlerini, tüýjümek trikotaž matalary, nah ýüplüklerini, dokma önümçiligini galyndylaryny satyn aldylar. Geleşikleriň jemi mukdary 10 million manatdan gowrak boldy.

Içerki bazarda ýurdumyzyň telekeçileri 32 müň manatlykdan gowrak polipropilen satyn aldylar.