Geçen hepdede Türkmenistanyň döwlet haryt-çig mal biržasynyň söwdalaşyklarynda geleşikleriň 34-si hasaba alyndy

Birleşen Arap Emirliklerinden, Türkiýeden, Owganystandan gelen telekeçiler daşary ýurt puluna Türkmenbaşydaky nebiti gaýtadan işleýän zawodlar toplumynda öndürilen dizel ýangyjyny, A-80 awtoulag benzinini, suwuklandyrylan gazy satyn aldylar. Seýdiniň nebiti gaýtadan işleýän zawodynda öndürilen benzini Wirgin adalaryndan gelen işewürler satyn aldylar. “A” kysymly tehniki ýoda (“Türkmenhimiýa” DK) Russiýadan we BAE-den gelen alyjylar isleg bildirdiler. Bulardan başga-da daşary ýurt puluna tekiz boýalan we jakkard tüýjümek önümleri, nah ýüplük, tüýjümek matalar, pagta süýümi satyldy. Olary satyn alan ýurtlar: Russiýa, Şweýsariýa, Singapur, Türkiýe, BAE, Litwa, Gyrgyzystan, Wirgin adalary. Geleşikleriň umumy bahasy ABŞ-nyň 115 million dollaryndan geçdi.

Beýik Britaniýanyň, Türkiýäniň, Hindistanyň, Litwanyň, Gyrgyzystanyň işewür toparlarynyň wekilleri depozit manat serişdeleriniň hasabyna dürli dokma önümlerini, konditer önümlerini, nah ýüplügini we pagta süýümini, garaköli we saryja goýunlaryň ýüňüni satyn aldylar. Geleşikleriň umumy bahasy 4 million manatlykdan gowrak boldy.

Ýurdumyzyň telekeçileri içerki bazar üçin 200 müň manatlyk bugdaý satyn aldylar.