Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 7-si hasaba alyndy.

Daşary ýurt walýutasyna Owganystandan gelen telekeçiler Türkmenbaşydaky nebiti gaýtadan işleýän zawodlar toplumynda öndürilen dizel ýangyjyny satyn aldylar. Mundan başga-da Beýik Britaniýadan we Şweýsariýadan gelen işewürler daşary ýurt puluna pagta süýümini, Hytaýyň işewür toparlarynyň wekilleri bolsa nah ýüplükleriň galyndylaryny satyn aldylar. Geleşikleriň jemi bahasy ABŞ-nyň 32 million 220 müň dollaryndan gowrak boldy.

Depozit manat serişdelerine Birleşen Arap Emirliklerinden gelen telekeçiler 4 million 750 müň manatlykdan gowrak nah ýüplügi satyn aldylar.