Geçen hepede-de Türkmenistanyň Döwlet haryt-çig mal biržasynda geleşikleri 51-si hasaba alyndy.

Daşaryi ýurt walýutasyna Beýik Britaniýadan, Birleşen Arap Emirliklerinden we Owganystandan gelen telekeçiler Türkmenbaşydaky nebiti gaýtadan işleýän zawodlar toplumynda öndürilen dizel ýangyjyny, dürli görnüşli awtomobil benzinini, gidro arassalaýyşdan geçen dizel ýangyjyny, uçar kerosinini, suwuklandyrylan gazy satyn aldylar. Owganystandan gelen täjirler Seýdiniň nebiti gaýtadan işleýän zawodynda öndürilen dizel ýangyjyny satyn aldylar. Mundan başga-da daşary ýurt walýutasyna dürli görnüşli trikotaž önümleri, ýorgan-düşekler toplumy, mata, nah ýüplükleri, mebel pamygy, pagta süýümi, gara mallaryň derleri, ýuwulan garaköle ýüňi, çig ýag kislotasy satyldy. Olary Russiýadan, Beýik Britaniýadan, Şweýsariýadan, BAE-den, Türkiýeden, Owganystan gelen alyjylar satyn aldylar. Geleşikleri umumy bahasy ABŞ-nyň 127 million 852 müň dollaryndan gowrak boldy.

Depozit manat serişdelerine ABŞ-dan, Russiýadan, Beýik Britaniýadan, BAE-den, Türkiýeden, Hindistandan, Gyrgyzystandan gelen işewür toparlaryň wekilleri arassalanan pagta ýagyny, dürli görnüşi konditer önümlerini, tekiz reňklenen we tüýjümek polotensalary, ýorgan-düşek toplumyny, jinsi we tirkotaž önümlerini, erkek we zenan joraplaryny, hojalyk sabynlaryny, tüýjümek matalyry, nah ýüplükleri, saryja goýnuň ýuwlan ýüňüni, ýüpek çig malyny, arassalanan pah mata galyndylaryny satyn aldylar. Olaryň umumy bahasy 21 million 174 müň manatdan gowrak boldy.

Içerki bazarda ýurdumyzyň telekeçileri umumy bahasy 4 million 179 müň manatdan gowrak bolan polipropilen, azyklyk bugdaý we biz satyn aldylar.