Daşoguz welaýatynyň Saparmyrat Türkmenbaşy adyndaky etrabynyň S.A.Nyýazow adyndaky we „27-nji oktýabr“ daýhan birleşikleriniň ekin meýdanlarynda şaly ekişi gyzgalaňly alnyp barylýar. Bu iri ýöriteleşdirilen hojalyklarda dört ýüzden gowrak kärendeçi-şalyçylar zähmet çekýärler.

Saparmyrat Türkmenbaşy adyndaky etraby boýunça şaly ýedi müň gektar meýdana ekiler. Şy ýylky möwsümde bu ýerde kuwwatly traktorlaryň otuzdan gowragy, ekiji enjamlaryp onlarçasy we beýleki oba hojalyk tehnikalary netijeli işledilýär. Topraga ýerli howa toprak şertlerine uýgunlaşan şalynyň ýokary hasyl beriji görnüşleri ekilýär.

Oba hojalyk ekinleriniň bu görnüşiniň öndürilişini artdyrmak maksady bilen, Saparmyrat Türkmenbaşy adyndaky etrabynyň daýhan birleşikleri bir hatarda Akdepe etrabynyň hojalyklarynyň ekin meýdanlarynda hem şaly ösdürilip ýetişdiriler.