Geçen hepdede Türkmenistanyň Döwlet haryt- çig mal biržasyndaky söwdalaşyklarda geleşikleriň 35-si hasaba alyndy.

Daşary ýurt walýutasyna Beýik Britaniýadan, Niderlandlardan, Owganystandan gelen telekeçiler we beýlekiler Türkmenbaşydaky nebiti gaýtadan işleýän zawodlar toplumynda öndürilen polipropileni, dizel ýangyjyny we binýatlyk ýagy satyn aldylar. Owganystandan gelen işewürler “Türkmengaz” döwlet konserniniň tehnologik gurnamalarynda işlenip taýýýarlanan suwuklandyrylan gazy satyn adylar. Mundan başga-da daşary ýurt walýutasyna tekiz reňklenen we tüýjümek polotensalar, pagta süýümi, gara mallaryň iç goşlary, pagta ülükleri, gaýtadan işlenen pagta ýagynyň galyndylary ýerlendi. Olary Russiýa, Beýik Britaniýa, Şweýsariýa, Singapur, Malta, Türkiýe, Eýran, Ukraina, Belarus ýaly ýurtlar satyn aldylar. Geleşikleriň umumy bahasy ABŞ-nyň 33 million 830 müň dollaryndan gowrak boldy.

Depozit manat serişdelerine Beýik Britaniýanyň, Birleşen Arap Emirlikleriniň, Türkiýäniň, Eýranyň, Owganystanyň, Ukrainanyň, Azerbaýjanyň işewer toparlarynyň wekilleri pagta ýagyny, nah matalary, ýüplükleri, konditer önümlerini, geçi çöpürini, süýüm satyn aldylar. Olaryň umumy bahasy 4 million 630 müň manatdan gowrak boldy.