Geçen hepdede Türkmenistanyň Döwlet haryt çig-mal biržasynda geçirilen söwdalarda geleşikleriň 29-sy bellige alyndy.

Daşary ýurt puluna Beýik Britaniýadan, Birleşen Arap Emirliklerinden we Kiprden gelen telekeçiler Türkmenbaşydaky nebiti gaýtadan işleýän zawodlar toplumynda öndürilen, gidro usulda arassalanylan dizel ýangyjyny, kükürdi az ýakylýan mazudy, nebit koksuny satyn aldylar. Seýdiniň nebiti gaýtadan işleýän zawodynda öndürilen dizel ýangyjyny ABŞ-dan we Owganystandan bolan işewür toparlaryň wekilleri satyn aldylar. Mundan başga-da daşary ýurt puluna tekiz boýalan we žakkard tüýjümek önümler, nah ýüplügi we mata, buýan köki, pagta linti, pagta süýümi, çig ýagly kislotalar ýerlenildi. Olary satyn alan ýurtlar Russiýa, Hytaý, Türkiýe, Eýran, Serbiýa, Gazagystan, Ukrainadyr. Geleşikleriň jemi bahasy ABŞ-nyň 73 million dollaryna golaý boldy.

Depozit manat serişdelerine Russiýanyň, ABŞ-nyň, Beýik Britaniýanyň, BAE-niň, Eýranyň, Azerbaýjanyň, Gyrgysyztanyň işewür toparlarynyň wekilleri pagta we günebakar ýagyny, nah ýüplügi, tikinçilik pamygyny, regenerirlenen süýümi, aşgarlanan ýüplügiň galyndylaryny, pagta sarununy satyn aldylar. Geleşikleriň umumy bahasy 6 million manatdan gowrak boldy.

Içerki bazar üçin ýurdumyzyň telekeçileri polipropileni, biz mata we pagta egirmesiniň galyndylaryny satyn aldylar. Olaryň bahasy 514 müň manatdan geçdi.