Geçen hepdede Türkmenistanyň Döwlet haryt-çig mal biržasynyň söwdalaşyklarynda geleşikleriň 23-si hasaba alyndy.

ýurt walýutasyna Germaniýadan, Birleşen Arap Emirliklerinden we Owganystandan gelen telekeçiler Türkmenbaşynyň nebiti gaýtadan işleýän zawodlar toplumynda öndürilen dizel ýangyjyny, uçar kerosinini, binýatlyk ýagy, gidrousulda arassalanan dizel ýangyjyny satyn aldylar. Mundan başga-da, nah ýüplük we pagta süýümi daşary ýurt puluna ýerlenildi. Olary satyn alan ýurtlar Russiýa, Birleşen Arap Emirlikleri, Şweýsariýa boldy. Geleşikleriň umumy bahasy ABŞ-nyň 57 million 615 müň dollaryndan gowrak boldy.

Depozit manat serişdelerine Beýik Britaniýanyň, Birleşen Arap Emirlikleriniň, ABŞ-nyň, Türkiýäniň, Gyrgyzystanyň we Azerbaýjanyň işewür toparlarynyň wekilleri pagta ýagyny, agardylan pagta süýümini we nah ýüplügi satyn aldylar. Olaryň umumy bahasy 11 million 466 müň manada golaý boldy.

Içerki bazar üçin ýurdumyzyň telekeçileri azyklyk bugdaýy satyn aldylar. Satylan bugdaýyň umumy bahasy 445 müň manatdan gowrak boldy.