Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 53-si hasaba alyndy.

Daşary ýurt walýutasyna Owganystandan gelen telekeçiler Türkmenbaşydaky nebiti gaýtadan işleýän zawodlar toplumynda öndürilen dizel ýangyjyny we az kükürtli ýangyçlyk mazudy satyn aldylar. Mundan başga-da daşary ýurt walýutasyna jinsi matalary, nah ýüplük, pagta süýümi satyldy. Olary satyn alan ýurtlar: Beýik Britaniýa, Şweýsariýa, Türkiýe, Singapur, Lihtenşteýn we Gyrgyzstandyr. Geleşikleriň umumy bahasy ABŞ-nyň 70 million 17 müň dollaryndan gowrak boldy.

Depozit manat serişdelerine Russiýadan, Beýik Britaniýadan, Birleşen Arap Emirliklerinden, Owganystandan, Ukrainadan, Gyrgyzystandan gelen täjirler jemi 27 million manatlykdan gowrak arassalanan günebakar ýagyny, nah ýüplügi we matany, ýuwulan düýe ýüňüni we geçi çöpürini, çig-ýüpegi satyn aldylar.