Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 25-si hasaba alyndy.

Daşary ýurt walýutasyna Birleşen Arap Emirliklerinden, Türkiýeden, Owganystandan we beýleki ýurtlardan gelen telekeçiler Türkmenbaşydaky nebiti gaýtadan işleýän zawodlar toplumynda öndürilen göni arassalaýyşdan geçen benzini, suwuklandyrylan gazy, gidroarassalaýyşdan geçen dizel ýangyjyny, polipropileni, gyzdyrylan nebit koksuny satyn aldylar. Gankongdan gelen täjirleriň söwdasy tehniki ýod (DK Türkmenhimiýa) boldy. Bulardan başga-da, daşary ýurt walýutasyna nah ýüplügi, agardylan pagta süýümi we pagta-süýümi ýerlenildi. Satyn alan ýurtlar: Şweýsariýa, Singapur, Birleşen Arap Emirlikleri, Türkiýe, Ukraina. Geleşikleriň umumy bahasy ABŞ-nyň 106 million 125 müň dollaryndan gowrak boldy.

Depozit manat serişdelerine Russiýanyň, Beýik Britaniýanyň, Şweýsariýanyň, Türkiýäniň, Hindistanyň, Pakistanyň işewür toparlarynyň wekilleri umumy mukdary 3 million manada golaý bolan kompýuter enjamlaryny, nah ýüplükleri, palma ýagyny, pagta sary ununy satyn aldylar.

Içerki bazarlarda ýurdumyzyň telekeçileri bahasy 479 müň manatdan gowrak bolan azyklyk dänäni satyn aldylar.