Geçen hepdede Türkmenistanyň döwlet haryt - çig mal biržasynda geçirilen söwdalarda geleşikleriň 46-sy hasaba alyndy.

Daşary yurt puluna Birleşen Arap Emirliklerinden, Singapurdan we Owganystandan gelen telekeçiler Türkmenbaşydaky nebiti gaýtadan işleýän zawodlar toplumynda öndürilen A-92 awtomobil benzinini , gidrousulda arassalanan dizel ýangyjyny, polipropileni, dizel ýangyjyny, çig parafini satyn aldylar. Owganystandan gelen işewürler “Türkmengaz” döwlet konserniniň suwuklandyrylan gazyny satyn aldylar, “Türkmenhimiýa” döwlet konserniniň tehniki uglerody bolsa ABŞ-nyň işewür toparlarynyň wekilleriniň alan önümi boldy. Mundan başga-da, daşary yurt puluna nah ýüplügi, pagta süýümi, pagta linti, pagtany gaýtadan işlemegiň galyndylary, ýük awtoulagy ýerlenildi. Olary satyn alan ýurtlar: Beýik Britaniýa, Şweýsariýa, Singapur, Birleşen Arap Emirlikleri, Türkiýe Özbegistandyr. Baglaşylan geleşikleriň jemi möçberi ABŞ-nyň 60 million dollaryna golaý boldy.

Beýik Britaniýanýadan, Şweýsariýadan, Slowakiýadan, Türkiýeden, Birleşen Arap Emirliklerinden, Pakistandan, Gyrgyzystandan gelen işewürler depozit manat serişdelerine dokma önümlerini, nah matany we ýüplügi, garaköli hem-de saryja goýunlarynyň ýüňüni, gaýtadan işlenen süýümi satyn aldylar. Geleşikleriň umumy möçberi 21,5 million manada golaý boldy.

Içerki bazar üçin ýurdumyzyň telekeçileri polipropileni we azyklyk bugdaýy satyn aldylar. Geleşikleriň umumy möçberi 2 million manatdan geçdi.