Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 56-sy hasaba alyndy.

Daşary ýurt walýutasyna Russiýadan, Beýik Britaniýadan, Şweýsariýadan, Birleşen Arap Emirliklerinden we Owganystandan gelen telekeçiler Türkmenbaşydaky nebiti gaýtadan işleýän zawodlar toplumynda öndürilen binýatlyk ýagy, polipropileni, suwuklandyrylan gazy, awtoulag benzinini, dizel ýangyjyny satyn aldylar. Bulardan başga-da, daşary ýurt walýutasyna azyklyk bugdaý, portlandsementi, polipropilen haltalary, pagta-süýümi, lint we saryun, kip gaplarynyň galyndylary ýerlenildi. Satyn alan ýurtlar: Russiýa, Beýik Britaniýa, Türkiýe, Şweýsariýa, Singapur we beýlekiler. Geleşikleriň umumy bahasy ABŞ-nyň 100 million 993 müň dollaryndan gowrak boldy.

Depozit manat serişdelerine Amerikanyň Birleşen Ştatlaryndan, Rusiýadan, Hytaýdan, Beýik Britaniýadan, Birleşen Arap Emirliklerinden, Türkiýeden, Awstriýadan, Slowakiýadan, Pakistandan we Gyrgyzstandan gelen telekeçiler jemi 12 million 416 müň manatlykdan gowrak ýük awtoulagyny, telefon beketleri üçin enjamlary, arassalanan pagta ýagyny, hojalyk sabynyny, garaköli, saryja goýunlarynyň we düýe ýüňlerini, nah ýüplügi satyn aldylar.

Ýurdumyzyň telekeçileri içerki bazar üçin (TNGIZT) umumy bahasy 81 müň manatlykdan gowrak möçberde polipropileni satyn aldylar.