Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 65-si hasaba alyndy.

Daşary ýurt walýutasyna Russiýadan, Birleşen Arap Emirliklerinden, Niderlandlardan, Singapurdan, Täjigistandan gelen telekeçiler Türkmenbaşydaky nebiti gaýtadan işleýän zawodlar toplumynda öndürilen uçar kerosinini, awtoulag benzinini, polipropileni, suwuklandyrylan gazy satyn aldylar. Mundan başga-da daşary ýurt puluna azyklyk bugdaý, nah ýüplükler, pagta süýümi, sarun we beýlekiler ýerlenildi. Satyn alan ýurtlar: Russiýa, Beýik Britaniýa, BAE, Şweýsariýa, Türkiýe, Koreýa Respublikasy, Owganystan we beýlekiler. Geleşikleriň umumy bahasy ABŞ-nyň 95 million dollaryna golaý boldy.

Depozit manat serişdelerine Hytaýdan, ABŞ-dan, Beýik Britaniýadan, Şweýsariýadan, Birleşen Arap Emirliklerinden, Türkiýeden, Hindistandan, Pakistandan, Owganystandan, Azerbaýjandan, Ukrainadan, Gyrgyzystandan gelen işewürler jemi 24 million manatlyga golaý ýük göteriji tehnikany, dokma önümlerini, pagta ýagyny, nah ýüplügi, garaköli goýun we düýe ýüňüni, geçi çöprüni, gaýtadan işlenilen süýümi satyn aldylar.