Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 28-si hasaba alyndy.

Daşary ýurt walýutasyna Şweýsariýadan, Birleşen Arap Emirliklerinden, gelen telekeçiler Türkmenbaşydaky nebiti gaýtadan işleýän zawodlar toplumynda öndürilen binýatlyk ýagy, awtobenzini satyn aldylar. Bulardan başga-da, daşary ýurt walýutasyna ýorgan-düşek daşlarynyň toplumy, nah ýüplük, pagta-süýümi we beýlekiler ýerlenildi. Satyn alan ýurtlar: Russiýa, Şweýsariýa, Türkiýe we beýlekiler. Geleşikleriň umumy bahasy ABŞ-nyň 23 million 106 müň dollaryndan gowrak boldy.

Depozit manat serişdelerine Birleşen Arap Emirliklerinden, Türkiýeden, Belgiýadan, Slowakiýadan, Pakistandan, Azerbaýjandan, Gyrgyzystandan gelen telekeçiler jemi 18 million 558 müň manatlykdan gowrak arassalanylan pagta ýagyny, pomidor goýutmasyny, nah ýüplükleri, garaköli goýunlarynyň ýüňüni satyn aldylar.

Ýurdumyzyň telekeçileri içerki bazar üçin polimer ownuklaryny (TNGIZT) umumy bahasy 53 müň manatlykdan gowrak möçberde satyn aldylar.