Geçen hepdede Türkmenistanyň Döwlet haryt-çig mal biržasynyň söwdalaşyklarynda geleşikleriň 60-sy hasaba alyndy.

Daşary ýurt puluna Birleşen Arap Emirliklerinden, Owganystandan, Belizden, Gazagystandan we beýleki ýurtlardan gelen telekeçiler Türkmenbaşynyň nebiti gaýtadan işleýän zawodlar toplumynda öndürilen suwuklandyrylan gazy, dizel ýangyjyny, awto benzini, gidrousulda arassalanan dizel ýangyjy, binýatlyk ýagy, uçar kerosinini, nebit koksyny, az kükürtli ýakylýan mazudy satyn aldylar. Şweýsariýadan gelen işewürler tehniki uglerody (“Türkmenhimiýa” DK) satyn aldylar. Bulardan başga-da daşary ýurt puluna nah ýüplük we pagta süýümi satyldy. Olary satyn alan ýurtlar Hytaý, BAE, Şweýsariýa, Ukraina. Geleşikleriň umumy bahasy ABŞ-nyň 120 million 331 müň dollaryndan gowrak boldy.

Depozit manat serişdelerine Russiýadan, Germaniýadan, Türkiýeden, Owganystandan, Hindistandan, Ukrainadan we Azerbaýjandan gelen işewürler umumy bahasy 6 million 580 müň manatdan gowrak bolan pagta ýagyny we arassalanan günebakar ýagyny, organiki dökün bolan biogumusy, garaköli goýunlarynyň, düýäniň we geçiniň ýüňüni, şeýle hem ýük awtoulagyny satyn aldylar.

Içerki bazar üçin ýurdumyzyň telekeçileri umumy bahasy 106 müň manatdan gowrak bolan polipropileni (TNGIZT) satyn aldylar.