Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 33-sy hasaba alyndy.

Daşary ýurt walýutasyna Russiýadan, Birleşen Arap Emirliklerinden, Niderlandlardan, Panamadan gelen telekeçiler Türkmenbaşydaky nebiti gaýtadan işleýän zawodlar toplumynda öndürilen polipropileni, gidroarassalanan dizel ýangyjyny, az kükürtli binýatlyk mazudyny satyn aldylar. Owganystandan gelen täjirler we beýlekiler dizel ýangyjyny we M-100 belgili mazudy, Seýdiniň nebiti gaýtadan işleýän zawodynda öndürilen suwuklandyrylan gazy (“Türkmengaz” DK) satyn aldylar.Bulardan başga-da, daşary ýurt walýutasyna gurluşyk serişdeleri, nah ýüplük, pagta-süýümi, we pagta linti ýerlenildi. Satyn alan ýurtlar: Russiýa, Beýik Britaniýa, Türkiýe, Malta we beýlekiler. Geleşikleriň umumy bahasy ABŞ-nyň 132 million 794 müň dollaryndan gowrak boldy.

Depozit manat serişdelerine Beýik Britaniýadan, Birleşen Arap Emirliklerinden, Owganystandan, Pakistandan, Kiprden, Gyrgyzystandan gelen täjirler jemi 4 million 266 müň manatlykdan gowrak arassalanylan pagta ýagyny, nah ýüplügi, saryja goýunlarynyň ýuwulan ýüňüni, ýük göteriji awtoulagy satyn aldylar.

Ýurdumyzyň telekeçileri içerki bazar üçin, azyklyk pugdaýy şeýle hem polipropileni, owradylan polimerleri 890 müň manatlykdan gowrak möçberde satyn aldylar.