Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 29-sy hasaba alyndy.

Daşary ýurt walýutasyna Russiýadan, Beýik Britaniýadan, Türkiýeden, Owganystandan gelen telekeçiler Türkmenbaşydaky nebiti gaýtadan işleýän zawodlar toplumynda öndürilen polipropileni, awtobenzini, göni arassalanan benzini, gyzdyrylan nebit koksuny, umumylaşdyrylan nebit koksuny satyn aldylar. Beýik Britaniýadan gelen täjirler Seýdiniň nebiti gaýtadan işleýän zawodynda öndürilen göni arassalanan benzini, Eýrandan gelen işewürler tehniki ýody (“Türkmenhimiýa” DK) satyn aldylar. Bulardan başga-da daşary ýurt walýutasyna nah ýüplügi, kombinirlenen iými ýerlenildi. Satyn alan ýurtlar: Russiýa, Birleşen Arap Emirlikleri, Ukraina.Geleşikleriň umumy bahasy ABŞ-nyň 54 million 107 müň dollaryndan gowrak boldy.

Depozit manat serişdelerine Russiýadan, Beýik Britaniýadan, Belgiýadan, Türkiýeden gelen telekeçiler arassalanan pagta ýagyny, gaplanan önümleri, reginirlenen pagta süýümini, aşgarlanmadyk ýüplügi jemi 4 million 448 müň manatlykdan gowrak satyn aldylar.

Ýurdumyzyň telekeçileri içerki bazar üçin, awtoulag tehnikalaryny, kada laýyk gelmeýän polipropileni 116 müň manatlykdan gowrak möçberde satyn aldylar.